¦¦§¦¦¤~ M. 0. S. h. K . I .L A ~¤¦¦§¦¦

يشرفنا الاشتراك معانا وتنورنا

احلى مشكله لاجن شباب


    ظل راجل ولا ظل حيطه

    شاطر

    زائر
    زائر

    5655 ظل راجل ولا ظل حيطه

    مُساهمة من طرف زائر في الأربعاء مايو 07, 2008 10:33 pm

    قال بيقولوا.. ظل راجل ولا ظل حيطة ، يا ختى بلا وكسة !
    وقفت الست بهية على كوم عالى وبدأت تخطب وسط الحريم المرصوصين على المصاطب :
    قال بيقولوا ضل راجل ولا ضل حيطة ... !
    بذمتك عمرك سمعتى عن حيطة تقعد تشخر طول الليل وماتخلكيش تعرفي تنامي ؟
    والا حيطة تدخل من باب البيت تجعر عايزة الغدا ؟!
    وبعدين تطين عيشتك علشان الملح طلع زيادة في البامية !
    والا ممكن ترجعي البيت في يوم تلاقي حيطة بتبوس الخدامة ؟
    طيب شفتى حيطة تملا لك سقف البيت دخان ، وأرضيته سكن !
    والا حيطة تقعد تنقد عليكي وتقولك انتي رايحة فين وجاية منين !
    والا حيطة تصحيكي في نص الليل علشان معرفش إيه طلع في دماغها !
    والا حيطة تدوخك وراها علشان تشوفي هيه بتكلم مين في التليفون بعد نص الليل !
    طيب دي الحيطة معروف مكانها دايماً ، إنما المحروس يدوخك وراه علشان تعرفي هو سهران في أنهى داهية ... قال إيه ، عنده شغل ! ياسلام !
    بذمتك فيه حيطة تحاول تطلعك غلطانة في كل كلمة تقوليها علشان تثبت للعيال إن الحيطة بتفهم أحسن منك .
    والا حيطة تلوى بوزها وتقعد بالفانلة وروب النوم لما أمك تيجي تزورك
    وتحبك معاها تحكي نكت عن الحموات !
    والا حيطة تقعد تقولك ما تخرجيش بالفستان ده أحسن محزق عليكي ولما تقولي لها هاتى فلوس علشان تشتري فستان غيره تعمل ودن من طين وودن من عجين ، طيب دى حتى الحيطان لها ودان .
    يا شيخة بلا قرف ... بلا نيلة ... الحيطة أجدع ، على الأقل مش حتتحبسى
    لو فاض بيكى ونفذتي حلم كل الستات ... ودقيتي في الحيطة مسمار !!!!!

    elgamed
    ¦¤( NEW BrobleM )¤¦
    ¦¤(  NEW BrobleM )¤¦

    ذكر
    عدد الرسائل : 16
    العمر : 30
    بتشتغل ايه يا عم : computer
    مودك ايه؟ : zy elful
    السٌّمعَة : 0
    نقاط : 0
    تاريخ التسجيل : 03/05/2008

    5655 رد: ظل راجل ولا ظل حيطه

    مُساهمة من طرف elgamed في الخميس مايو 08, 2008 1:36 am


    اية يا ايمي متخليكي محضر خيييييييييييييييييييييييييييييييييييييييييييير

      الوقت/التاريخ الآن هو الجمعة ديسمبر 09, 2016 10:40 am