¦¦§¦¦¤~ M. 0. S. h. K . I .L A ~¤¦¦§¦¦

يشرفنا الاشتراك معانا وتنورنا

احلى مشكله لاجن شباب


    نصايح تعكنن بيهم علي مراتك !!!!!

    شاطر

    GEMY
    ¦¤( ALMODER )¤¦
    ¦¤( ALMODER )¤¦

    ذكر
    عدد الرسائل : 6711
    العمر : 28
    الموقع : egypt
    بتشتغل ايه يا عم : student
    مودك ايه؟ : دماغ عاليه اوووى ومتكلفه
    الاوسمه :
    السٌّمعَة : 2
    نقاط : 23
    تاريخ التسجيل : 17/03/2008

    نصايح تعكنن بيهم علي مراتك !!!!!

    مُساهمة من طرف GEMY في الأربعاء يونيو 18, 2008 12:35 am

    [1] الصبح وانت رايح على شغلك تعمد أنك توقع حاجة وتعمل صوت عالى علشان تصحيها من النوم، ولما تصحى تقولها أخ صحيتك معلش أنا آسف مادام صحيتى قومى حضرى ليه الفطار.

    [2] إذا كنت بتتفرج على التليفزيون وهى عايزة تقلب المحطة قولها معلش الحلقة دى مهمة أوى واحد صاحبى شافها على الدش وقالى إن دى أحلى حلقة فى المسلسل، ولوكان ماتش بقى يا معلم يبقى أسهل بكتير.. أول ما تشوف أى لاعب معاه الكورة قولها إستنى بس أصلى حاسس إن الكورة دى جول حتى لو كان حارس المرمى.

    [3] يوم الجمعة بقى تصحى بنشاط وهمه وتحضر لزوجتك العزيزة الفطار - مع مراعاة طبعا استخدام15 طبق وما لا يقل عن10 معالق وسكاكين و5 حلل و10 كوبايات - وطبعاً ماتنساش شوية سمنه على الأرض وتسيب باب التلاجة مفتوح ويامزاجك بقى لو ترمى قشر البيض فى الحوض. وكل ده طبعاً علشان طبق البيض وسندوتشين جبنة.

    [4] فى عيد ميلادها بقى تجيب التورتة اللذيذة مع وضع 50 شمعة على الأقل ولما تسألك على السبب، ماهو هى عندها 30 بس.. اتحجج وأنت بتبتسم ابتسامة صغيرة صفراء وقولها لضعف الإضاءة فى الشقة وأنت بتبص على النجفة اللى فوقيكم واللى فيها40 لمبة.

    [5] لو حاولت تعمل رجيم يرجى إحضار أجود وأحلى أنواع الشيكولاتات ووضعها فى التلاجة ويراعى أكل الجاتو اللذيذ وأنت بتشوف الفليم خاصة إن أغلبية النساء يحبون الحلويات أوىأوىأوى.. مش كدة؟

    [6] ما تنساش طبعاً طبيخها.. يعنى مثلاً لما تطبخ لحمة قولها ياسلام الفراخ دى جميلة أوى.. ولما تطبخ بامية قولها أنا بحب الملوخية اللى بتعمليها جداً. وياسلام بقى لو عملت كيكة قولها أنا بحب أوى آكل البسكويت بتاعك مع الشاى.

    [7] لو طلبت منك تنشر الهدوم قولها حاضر ياحبيبتى، ولما توقع طبعاً كل هدومها مع نشر هدومك قولها أنا نازل أجيب الهدوم اللى وقعت منى، ولما تسألك إيه الهدوم اللى وقعت قولها كل هدومك وكمان فردة شراب من بتوعى - علشان متبقاش مقصودة -

    [8] ولو كانت بتمسح الأرض.. تفضل رايح جاى على الحتت المبلولة ولما تسألك على السبب قولها أصلة محتاج أكلم واحد صاحبى ضرورى.. ومرة تانية علشان تجيب الجرنان.. وآخر مرة بقى قولها مش عارف قلبى حاسس إن التليفون حيرن.

    [9] لوطلبت منك إنك تغسل كوبيتين الشاى بتوع الصبح قولها حاضر يا حبيبتى، وترجع وأنت فى إيدك واحدة مكسورة وقولها أرمى دى فين بالضبط؟!

    [10] لما تكون إنت بتتفرج على الماتش وقاعد قدام التليفزيون من الصبح وهى ياعينى من النجمة فى الغسيل والمطبخ والواد حلموس الصغير ولسة هاتقعد قولها معلش محتاج كباية شاى ضرورى علشان ضهرى بيوجعنى.


    اي خدمه ياشباب


    _________________



    ليلة فى حضنك ياه بالدنيا وكل ما فيها هى حياتى حياة لو لحظة تكون مش فيها

      الوقت/التاريخ الآن هو الجمعة ديسمبر 09, 2016 10:39 am