¦¦§¦¦¤~ M. 0. S. h. K . I .L A ~¤¦¦§¦¦

يشرفنا الاشتراك معانا وتنورنا

احلى مشكله لاجن شباب


    حوار مع اسرئيلي كاااااااااااااااااااااااااااان مصري

    شاطر

    مريم
    ¦¤(MOSHRFA MOSHKILA)¤¦
    ¦¤(MOSHRFA MOSHKILA)¤¦

    انثى
    عدد الرسائل : 758
    العمر : 28
    بتشتغل ايه يا عم : سماع الاغاني
    مودك ايه؟ : رومانسيه
    السٌّمعَة : 1
    نقاط : 4
    تاريخ التسجيل : 11/04/2008

    حوار مع اسرئيلي كاااااااااااااااااااااااااااان مصري

    مُساهمة من طرف مريم في السبت يوليو 12, 2008 6:23 pm

    جاى فى اجازه؟؟؟؟



    ايوه جاى اشوف اهلى اسبوعين وراجع ...



    انتا فعلا هاجرت لاسرائيل؟؟؟



    ايوه...هاجرت لاسرائيل



    عادى يعنى كده ؟؟؟؟



    ايوه عادى كده ...عاوز اشتغل واكون مستقبلى اشحت يعنى فى مصر ...



    ما كانش فيه فرص عمل شغل خالص فى مصر ...بلدك
    كان عندى تاكسى جيبته بالتقسيط والفوايد واستلفت فلوسه مقدم ...اولا كل بتوع المروم ما وراهومش حاجه الا سواقين التاكسيات مخالفات قد كده كل سنه ...


    بيشبلو من البهوات بتوع الملاكى ويحطوها علينا احنا .وضريبه قد كده فى التجديد ومع ذلك كنت مستحمل
    عملت حادثه بالتاكسى ما قدرتش اصلحه ...راح...رجعته لصاحبه واتداينت عشان اسدد باقى اقساطه بس وبقيت على فيض الكريم ...


    تعالا بقا فى اسرائيل هاتلاقى نظام وتامين وقانون كل واحد واخد حقو ...يعنى لما يحصل حادثه وعربيتى تتدغدغ ما اترميش فى الشارع والبوليس يحقق ويشوف مين الغلطان والتامين يدفع



    ما هو فيه شركات تامين فى مصر ما امنتش ليه على التاكسى بتاعك؟؟؟



    منين ؟منين ؟هو انا قادر ادفع اقساط عربيه حتى انا كنت عايش يوم بيوم حضرتك لما عملت الحادثه بالعربيه ذراعى اتكسرت صرفت خمس تلاف جنيه عشان اعمل عمليه فى مستشفى حكومى


    ازاى بقا المستشفيات الحكومى ببلاش؟؟؟

    انتا مش عايش فى مصر ولا ايه؟السرير بس سيادتك اللى مجانا ولو عاوز له ملايه هاتدفع فلوس ...الشرايح والمسامير وحتى الحقن البلاستيك على حسابى ...أبويا وامى استلفوا من الناس ...مدوا ايديهم عشان اعمل العمليه


    ما سفرتش ليه دوله عربيه ؟؟؟؟


    سافرت طبعا...روحت ليبيا وقعدت سنه فلوسى كانت تروح على البنك ...جيت اقبضهم الحكومه صادرتهم ورجعت ايد ورا وايد قدام


    صادرت فلوسك ليه؟؟؟


    هما هناك كده بغزاله مره يقلبوا على المصريين وياخدو فلوسهم وشقاهم ومره لا ...وكل واحد وحظو بقا


    طب ما سافرت السعوديه او الخليج عموما ؟؟؟
    اخويا راح السعوديه ...لازم تبقا تحت رحمه الكفيل ياخد منه نسبه من مرتبه ولو غضب عليه ولا استقل دمه يرحله
    احنا خدامين الكفيل وروحنا فى ايده ولعلمك مافيش عربى من اى بلد له كفيل غير المصريين
    عبوديه وبهدله ...الخليج خلاص ما بقاش فيه شغل والاجور بقت قليله جدا ..ابن عمى راح سكن مع اصحابه 15 واحد فى اوضه واحده عشان الشقق غاليه وقعد 5 سنين ما طلعش بحاجه عليه القيمه ...
    المصرى فى الخليج اخر واحد بيشتغل ...دلوقتى بيفضلو الهندى والباكستانى والماليزى على المصرى



    ما تسافر اوربا طيب زى ما اللى بيسافرو ؟؟؟


    ابن خالتى سافر هربان على مركب وما نعرفش عنه حاجه لغايه دلوقتى ولا نعرف عايش ولا مات ...وخالتى بتسدد فى فلوس سفره لغايه النهارده


    يعنى مفيش غير اسرائيل ؟؟؟



    ايوه ما فيش غير اسرائيل وانا مستريح وباخد حقى وفيه قانون والدنيا متظبطه


    اتجوزت اسرائيليه؟؟؟


    ايوه


    خلفت منها؟؟؟؟

    لسه ..بس هاخلف ان شاء الله


    انتا عارف انهم حايبقو على دين امهم؟؟؟


    هى اسلمت وولادى هايبقو مسلمين


    هاتعلمهم عربى عشان يعرفو يقروا القران الكريم ويصلو؟؟؟
    هاحاول...



    ماحدش فى عليتك حارب فى 1967؟؟؟؟
    عمى الكبير مات شهيد فى 1967



    عرفت مات ازاى؟؟؟


    لا هو راح مارجعش
    مش يمكن اتدفن وهو حى زى الاسرى المصريين ؟؟؟



    حضرتك ده تاريخ وانقضى من اربعين سنه ...ما هو خال امى حارب فى 1973 ورجع معوق ذراعه ورجله اتقطعو ...ولاحد بيسال فيه ...مش دول الناس اللى حطو العلم على ارض سيناء تعرفى حد منهم حضرتك...



    بمناسبه التاريخ ما تعرفش اى معلومات عن دوله اسرائيل نشات ازاى ؟.اتزرعت فى المنطقه ازاى؟



    لا طبعا ما اعرفش ...اعرف منين ؟؟؟
    ما درستش ده فى التاريخ؟



    لا



    ما قريتش حاجه عن المذابح اللى عملها اليهود زمان ...سمعت عن دير ياسين ؟؟؟


    سمعت الاسم ده فى الاغانى



    ما بتشوفش اللى بيحصل عندك ؟ الفلسطينين اللى بيموتوا والاطفال اللى بيتقتلو؟ شفت حصل ايه فى لبنان من سنتين؟


    شفت وسمعت لكن الفلسطينين نفسهم عايشين مع اليهود اخر انسجام


    فاكر الولد الصغير اللى اسمه محمد الدره ؟اللى مات فى حضن ابوه؟؟؟؟


    ايوه طبعا ..ابوه نفسو بيشتغل عند اليهود ولغايه دلوقتى عادى جدا ...وبعدين حضرتك فاتحه معايا محضر هو مش فيه معاهده سلام وتطبيع
    ما تشوف حضرتك كام رجل اعمال فى مصر بيشتغل معاهم
    وهما مالين مصر سياحه والحكومه بتصدر لهم غاز طبيعى
    والكل بيستودر منهم بضاعه ماليه السوق
    ما تتشطر على الحكومه جات على شغلى انا واكل عيشى وبقيت متعاون مع الاعداء وخاين للوطن
    [center]انا سمعت قريب ان فيه قانون هايصدر قريب يحرمك من الجنسيه المصريه ؟


    ولا تفرق معايا...الجنسيه الاسرائيليه هاتريحنى لما اجى مصر اكتر ...ساعه ما اطلع الباسبور الاسرائيلى الكل هايحترمنى ويعمل لى الف حساب وهايعملونى احسن منك


    انت درست ايه؟؟

    دبلوم صنايع كهرباء ومعهد متوسط سنتين


    اشتغلت كهربانى ؟؟؟


    عمرى انا طلعت من المعهد ده ما اعرفش اركب فيشه كهربا ما اتعملتش حاجه


    كنت بتقف فى طابور الصباح؟؟؟
    طابور ايه ؟ اهوه شويه هرجله وهلفطه وشتيمه من الناظر وكل واحد يطلع على الفصل وبعد ساعه نزوع وننط من على السور ونلعب كوره فى الشارع
    كنت بتحيى العلم ؟؟؟


    اه كنا بنحى العلم ...يضحك بسخريه


    بتضحك على ايه ؟؟؟
    اصل احنا كنا بنقول كلام تانى ..شبه تحيه جمهوريه مصر العربيه


    مش كنتو بتغنو بلادى بلادى لكى حبى وفؤادى ؟
    دى بقا كنا بنالف عليها كلام تانى


    يعنى ايه قصدك كلام قبيح ؟؟؟
    [center]من ده على ده



    ومبروك عليك اسرائيل

    ............... ............... ............... ..... ...............


    المقاله نشرت فى مجله عين المصريه بتاريخ


    22-11-2007
    للكاتبه ...د.لميس جابر



    تفتكروا مهما كانت الضغوط دا مبرر لسفره اسرائيل وكمان تغيير الجنسيه؟؟


    وهل النعيم اللى هو حاسس بيه دا هيدوم؟؟


    وهل كفايه ان زوجته تسلم علشان ولاده يكونوا مسلمين بحق؟؟


    هل اختار البيئة الصالحه لتنشئة اولاده بالفلوس والعيشه المرتاحه؟؟


    هل انت لو كنت مكانه وفى نفس ظروفه هتسافر وتبرر موقفك زيه؟؟


    ارجو التفاعل مع الموضوع
    [/center]
    [/center]


    _________________


    حبيبي علشان خاطر عنيك انا اجيب الدنيا ليك واعيش حياتي ليك لوحدك حبيبي ايه اللي حلمت بيه لو ايه شاور عليه تلاقيني جبتوا لحد عندك مبستناش تيجي تقولي انت عاوز ايه ومبيغلاش عليك كل اللي نفسك فيه حبيبي علشان خاطر عنيك انا اجيب الدنيا ليك واعيش حياتي ليك لوحدك

    مريم
    ¦¤(MOSHRFA MOSHKILA)¤¦
    ¦¤(MOSHRFA MOSHKILA)¤¦

    انثى
    عدد الرسائل : 758
    العمر : 28
    بتشتغل ايه يا عم : سماع الاغاني
    مودك ايه؟ : رومانسيه
    السٌّمعَة : 1
    نقاط : 4
    تاريخ التسجيل : 11/04/2008

    رد: حوار مع اسرئيلي كاااااااااااااااااااااااااااان مصري

    مُساهمة من طرف مريم في السبت يوليو 12, 2008 6:27 pm

    الموضوع ده منقول بس بجد شدني ليه جدااااااااااااااااااااااااا قولت احطه وياريت حد يقولي احنا هانفضل كده لحد امتي وطبعا انا معاه في كل الاحول مدام اليهودي بيعمله كويس وابن بلده بيعملوا اكنه حيوان هوه صح وطبعا اللي شايف رئيي غلط يدخل يقول انا عيزه اكبر عدد من المسهمات لو سمحت ادخل او ادخلي وقول او قولي رئيك


    _________________


    حبيبي علشان خاطر عنيك انا اجيب الدنيا ليك واعيش حياتي ليك لوحدك حبيبي ايه اللي حلمت بيه لو ايه شاور عليه تلاقيني جبتوا لحد عندك مبستناش تيجي تقولي انت عاوز ايه ومبيغلاش عليك كل اللي نفسك فيه حبيبي علشان خاطر عنيك انا اجيب الدنيا ليك واعيش حياتي ليك لوحدك

      الوقت/التاريخ الآن هو السبت ديسمبر 03, 2016 10:41 pm