¦¦§¦¦¤~ M. 0. S. h. K . I .L A ~¤¦¦§¦¦

يشرفنا الاشتراك معانا وتنورنا

احلى مشكله لاجن شباب


    حكايه مولود في سبوعه

    شاطر

    ميدو ريمو
    ¦¤( COOL GAMED)¤¦
    ¦¤( COOL GAMED)¤¦

    ذكر
    عدد الرسائل : 927
    العمر : 25
    بتشتغل ايه يا عم : طالب فاشل ياكبير
    مودك ايه؟ : ميت فل وعشرتاشر
    السٌّمعَة : 0
    نقاط : 0
    تاريخ التسجيل : 04/07/2008

    حكايه مولود في سبوعه

    مُساهمة من طرف ميدو ريمو في الخميس سبتمبر 04, 2008 10:49 am

    صباح الخير

    احب اعرفكم بنفسي

    انا غلباوى بس ده مش اسمى الحقيقى ده اسمى الحركى قولت على راى تيته الى ما يطلعش الى جواه يطق


    علشان كده قولت لازم افضفض معاكم شويه واخف من الجبل الى على اكتافى احسن خلاص ما بقتش عارف ارضع ولا انام ولا اى حاجه خالص دى حاجه تقرف
    تحبوا ابتدى معاكوا من امتى ؟ من امتى؟ اه بعد ما اتولدت بكام يوم كده ... الى انتوا بتسموه السبوع... كان يوم مهبب واغبر بعيد عنكوا يوم ما اخترعوه

    اكيد كلكم عارفين الى بيحصل فيه بس لما تشفوه من وجهه نظرى اكيد حتغيروا رأيكم

    كانت طقوس الاستعداد بعد ما اتولدت بيومين

    ساعتها سمعت ماما وهى بتكلم بابا وقالت له حاجات كتير

    المهم انها اديتله ورقه طويله مكتوب فيها حاجات طبعا علشان انا صغير ما عرفتش اقرا الورقه بس الظاهر كان فيها اخبار او حاجات وحشه بابا لما قراها بص لماما قوى وقال لها كل ده؟؟؟؟

    راحت بصيتله وكلمته من تحت الضرس:

    طبعا انت عايز الناس تاكل وشي؟؟

    بصراحه ساعتها اترعبت ..معقول .. ليه ؟ معقول حياكلوا وش ماما حبيبتى
    طيب مين حيرضعنى بعدها ؟ وازاى حقدر ابصلها ؟

    هو انا بستظرفها بوشها لما اشوفها من غير وش؟؟

    يا قاسي يا وحش يا بابا طب والله لو خليت الناس دول يعملوا كده شوف حعمل فيك ايه لما اكبر

    حوريك النجوم فى عز الظهر

    ومن ساعتها وانا بحلم احلام مزعجه مع انى بخفف الاكل قبل النوم عامل حساب اليوم ده

    وفضلت احسب 5 ايام لحد ما لقيت فجأه البيت اتملى على اخره ده ولا اتوبيس العباسيه يا جدعان

    اه والدوشه اشتغلت ناس تهلل وناس تبارك وعيال تعيط وناس تضحك وانا قاعد وسطيهم مش عارف حد غير عمتو وخالتو وستو بس ماما كانت نايمه على السرير وبابا لسه ماجاش يا ترى ايه الى اخره كده؟؟

    الناس دول دايما كسفينى كده هو مش عارف ان الناس جايه تبارك ؟
    مش كان يقعد معايا يعرفنى عليهم حتى اخواتى مش لاقى حد منهم
    مش المفروض يرحبوا بالناس طب ماما وتعبانه لكن هما حجتهم ايه؟

    وشويه ولقيت ستو بتنادى وتقول :

    ياله يا جماعه علشان تاكلوا
    انا سمعت كده وقلت يا حبيبتى يا ماما ودونى عند ماما
    ازاى يا ستو تقوليلهم كده هى دى مش بنتك برضه ؟ وكمان دول حيقزقزوها ومش حيكفيهم وشها وممكن يبلعونى معاها وصرخت باعلى صوتى واء وااء واااء..
    راحت خالتو وخدانى وموديانى عند ماما وحطيتنى جنبها على السرير وقالت لها انا رايحه اكل مع ماما والضيوف مش عايزه حاجه؟؟

    ساعتها اتنفست الصعداء زى ما بيقولوا يعنى هو خلاص الكلام خلص من الدنيا علشان تقول لبابا ان الناس حتاكل وشها ؟
    بابا؟؟ صحيح

    ما تقومى يا اختى تشوفى جوزك اتاخر كده ليه هو مش عارف ان النهارده ضيوف

    واخيرا وصل وكان معاه حاجات كتير مااعرفش اساميها وما دوقتش حاجه منها طبعا ولاد عيليتنا وولاد شارعنا اكلوها كلها
    وبدأ الاحتفال ....
    جت ستو وحطيتنى فى طبق كبير مخرم وقعدت تهز فيه جامد وحسيت وقتها كأن فيه زلازال قلت يا واد طنش خالص وخليك معاهم للاخر ومن غير اعتراض اخذونى ولفوا بيه حوالين الترابيزه ....والله عالم معاتيه
    وكل ده وانا مطنش ومستحمل حكسفهم قصاد الناس يعنى؟؟

    وشويه ولقيت ستو بتدق حاجه فى الهون ..... بالذمه ده وقته؟؟

    الناس فرحانين واكلوا وشبعوا ودى لسه بتطبخ ؟ وفى وسط الصالون؟

    كان نفسي اقولها بس لفت نظرى ان الهون فاضى

    وبعدين بقى؟؟؟؟؟؟ مالها الست دى؟؟؟؟؟ عامله كده ليه؟؟؟؟؟؟

    وشويه ولقيتها قربت منى قوى ... قلت جايز حتاخد رايي فى الطبيخ الى بتعمله

    اهو اخدها على قد عقلها واهى ست كبيره برضه
    شويه ولاقيتها بتدق الهون جنب ودانى وما سمعتش بتقول ايه وشويه وخبطت بالهون تانى وقالت كلام

    المره دى سمعته
    اسمع كلام امك وما تسمعش كلام ابوك

    وفضلت تكررها قولت بس
    يعنى يوم ما تحرضنى على حاجه زى دى مش تقولها بينى وبينها مش كده قدام الناس؟؟

    والغريب بقى ان بابا كان فرحان قوى من الكلام الى ستو بتقوله

    حاجه من الاتنين:
    يا اما انا ماسمعتش كويس او ما فهمتش

    بس ازاى ما فهمتش دى الكلمه خرمت ودانى لكن ستو ليه متحيزه دايما لماما على حساب بابا يمكن الكبار بس بيعملوا كده؟؟؟

    اكيد لما حكبر حاعرف ......

    GEMY
    ¦¤( ALMODER )¤¦
    ¦¤( ALMODER )¤¦

    ذكر
    عدد الرسائل : 6711
    العمر : 28
    الموقع : egypt
    بتشتغل ايه يا عم : student
    مودك ايه؟ : دماغ عاليه اوووى ومتكلفه
    الاوسمه :
    السٌّمعَة : 2
    نقاط : 23
    تاريخ التسجيل : 17/03/2008

    رد: حكايه مولود في سبوعه

    مُساهمة من طرف GEMY في الخميس سبتمبر 04, 2008 6:33 pm

    هههههههههههههههههههههههههههههههههههههههههههههههههههههه توبك جااااااامد يا معلم تسلم ايدك ونورت


    _________________



    ليلة فى حضنك ياه بالدنيا وكل ما فيها هى حياتى حياة لو لحظة تكون مش فيها

    WEBMASTER
    ¦¤( ALMODER )¤¦
    ¦¤( ALMODER )¤¦

    ذكر
    عدد الرسائل : 1250
    العمر : 26
    الموقع : www.moshkila.mam9.com
    بتشتغل ايه يا عم : studen
    مودك ايه؟ : cooooooool
    الاوسمه :
    السٌّمعَة : 0
    نقاط : 0
    تاريخ التسجيل : 25/05/2008

    رد: حكايه مولود في سبوعه

    مُساهمة من طرف WEBMASTER في السبت سبتمبر 06, 2008 2:22 am

    ههههههههههههههههههههه جميل اوي يا مان تسلم كيبوردك


    _________________


    Greetings to those who destroyed my life
    Greetings to those who taught me to love and betrayal

    ميدو ريمو
    ¦¤( COOL GAMED)¤¦
    ¦¤( COOL GAMED)¤¦

    ذكر
    عدد الرسائل : 927
    العمر : 25
    بتشتغل ايه يا عم : طالب فاشل ياكبير
    مودك ايه؟ : ميت فل وعشرتاشر
    السٌّمعَة : 0
    نقاط : 0
    تاريخ التسجيل : 04/07/2008

    رد: حكايه مولود في سبوعه

    مُساهمة من طرف ميدو ريمو في السبت سبتمبر 06, 2008 2:24 pm

    Admin كتب:هههههههههههههههههههههههههههههههههههههههههههههههههههههه توبك جااااااامد يا معلم تسلم ايدك ونورت
    تسلم يا معلم ومنور التوبك

    ميدو ريمو
    ¦¤( COOL GAMED)¤¦
    ¦¤( COOL GAMED)¤¦

    ذكر
    عدد الرسائل : 927
    العمر : 25
    بتشتغل ايه يا عم : طالب فاشل ياكبير
    مودك ايه؟ : ميت فل وعشرتاشر
    السٌّمعَة : 0
    نقاط : 0
    تاريخ التسجيل : 04/07/2008

    رد: حكايه مولود في سبوعه

    مُساهمة من طرف ميدو ريمو في السبت سبتمبر 06, 2008 2:25 pm

    ADMINZEZO كتب:ههههههههههههههههههههه جميل اوي يا مان تسلم كيبوردك
    شكرا يا باشابس

    الماوس ملوش نصيف ولا ايه؟هههههههههههههههه


    وشكرا لمرورك وردك

    sahr5a
    ¦¤(MOSHRFA MOSHKILA)¤¦
    ¦¤(MOSHRFA MOSHKILA)¤¦

    انثى
    عدد الرسائل : 908
    العمر : 28
    بتشتغل ايه يا عم : student
    مودك ايه؟ : منفضة علااااااااااخر
    السٌّمعَة : 3
    نقاط : 26
    تاريخ التسجيل : 24/04/2008

    رد: حكايه مولود في سبوعه

    مُساهمة من طرف sahr5a في الإثنين سبتمبر 08, 2008 7:44 am

    تسلم ايدك
    نايس توبك

    tota
    ¦¤(MOSHRFA MOSHKILA)¤¦
    ¦¤(MOSHRFA MOSHKILA)¤¦

    انثى
    عدد الرسائل : 1367
    العمر : 27
    بتشتغل ايه يا عم : طالبة جامعية
    مودك ايه؟ : رومانسية مجنونة
    السٌّمعَة : 0
    نقاط : 8
    تاريخ التسجيل : 30/05/2008

    رد: حكايه مولود في سبوعه

    مُساهمة من طرف tota في الإثنين سبتمبر 08, 2008 8:16 am

    ههههههههههه والله عثل عثل

    تسلم ايدك يا جميل

    nana
    ¦¤(MOSHRFA MOSHKILA)¤¦
    ¦¤(MOSHRFA MOSHKILA)¤¦

    انثى
    عدد الرسائل : 477
    العمر : 25
    الموقع : nana
    بتشتغل ايه يا عم : el rasm
    مودك ايه؟ : بحب الحب والرومانسية
    السٌّمعَة : 0
    نقاط : 1
    تاريخ التسجيل : 04/08/2008

    رد: حكايه مولود في سبوعه

    مُساهمة من طرف nana في الإثنين سبتمبر 08, 2008 9:20 pm

    بجد تحفة اوى
    ميرسى على موضوعك دة

      الوقت/التاريخ الآن هو الثلاثاء يناير 17, 2017 11:49 am