¦¦§¦¦¤~ M. 0. S. h. K . I .L A ~¤¦¦§¦¦

يشرفنا الاشتراك معانا وتنورنا

احلى مشكله لاجن شباب


    من وحى بعض ما يكتبه استاذنا الرائع أمين الديب

    شاطر

    GEMY
    ¦¤( ALMODER )¤¦
    ¦¤( ALMODER )¤¦

    ذكر
    عدد الرسائل : 6711
    العمر : 28
    الموقع : egypt
    بتشتغل ايه يا عم : student
    مودك ايه؟ : دماغ عاليه اوووى ومتكلفه
    الاوسمه :
    السٌّمعَة : 2
    نقاط : 23
    تاريخ التسجيل : 17/03/2008

    من وحى بعض ما يكتبه استاذنا الرائع أمين الديب

    مُساهمة من طرف GEMY في الأربعاء مارس 19, 2008 8:18 pm



    الواد بشندى
    الواد بشندى ابن ام عيد
    فتح سوبر ماركت جديد
    الواد ده اصله فهلوى يفوت فى الحديد
    راح بورسعيد
    وجاب بضاعة آخر تمام
    ماهو أصل الواد بشندى ده له فى العلام
    وواد ملحلح ومخه متنور تمام
    انا رحت ابارك من يومين
    وخدت فى ايدى الواد حسين
    بعد السلام خدنا الكلام
    الواد حسين ابن اسماعيل قال لنا
    سمعتم الاخبار؟
    رد عليه الواد بشندى وقال
    الدنيا قايدة نار
    انا قلت كفى الله الشر ليه؟قول
    قالوا صحافة الدنمارك بيسبو الرسول
    انا قلت له مش هما دول
    اللى اتجرأو عليه من سنين
    وقامو يومها المسلمين
    والخلق يومها اتجمعو وصرحو وبعبعو وجعجعو
    وقالو لا الا الرسول
    مش هما دول
    اللى ضحكو علينا بكلمتين
    وضحكتين
    ونيمونا بعدها النوم المتين
    الواد حسين بن اسماعين
    بصلى ومش عاجبه الكلام
    قام اتنطر ولا شيخ غفر
    زعق وقال
    الا والله اللى بيحصل ده حرام
    ومش تمام
    لازمن علينا نصدهم
    ونوقفوهم كمان عن حدهم
    رد عليه الواد بشندى كمان وقال
    ايوه
    نروح نولع فى السفارة والعلم
    ونحرقو اللى رسم واللى شتم
    واللا انت ايه قولك يا عم امين؟
    انا قلت
    انا سبت دورى فى الكلام لاهل العلام
    المتعلمين المتنورين
    لكن كلامكم مش راح يحل المشكلة
    ولا يمنع الجراة علينا وده اصل البلا
    اتجراو على الرسول؟
    كانو يعرفو مين الرسول
    لا هما شافونا
    قالو دول هما اتباع الرسول؟
    طب شافو ايه ؟ طب شافو مين؟
    شافو حريم متدلعين متشخلعين متعجرمين
    ورجالتهم مسطولين
    وشعوبنا غير الجهل عايشين مطحونين وفقرانين ومعدمين
    لكنهم بالرغم من ده وده
    عافيلم واللا الكورة دايما سهرانين ومبسوطين
    وان كان فى غزة او جنين
    صور ضنانا المقتولين والمدبوحين ما تسرش القلب الحزين
    يبقى احنا امة الرسول؟
    هيعرفو ازاى مين الرسول؟
    لو الرسول بأمته؟
    يبقى احنا ما نستاهلش شرف نكون من امته
    ولا نشرب الشربة الهنية من ايده الشريفة فى جنته
    تقدر تقوللى ينادينا ليه؟
    وهنقول له ايه؟
    اللهم صلى عليه
    وعشان ننول هذا الشرف
    لازمن نتابع سنته
    ونكون بأخلاقه الشريفة مثال جميل لامته
    نعيشو بالقرآن وكمان
    نعرف العالم ايه هى تبقى شرعته
    مش بس بالكلام
    بالفعل والعلام
    رد الهمام
    العملة دى مش راح تفوت من غير عقاب
    ولازم نعملو حاجة تخللى عيشتهم هباب
    انا فلت له مين مش معاك؟
    لازمن نقاطع اكلهم ولحمهم وزبدهم
    ولا مليم من حدانا يدخل كرشهم
    تقدر تقوللى البسكوتات دية منين
    واللا العصير واللا اللبن ده كلها مصانعها فين؟
    الواد بشندى لطم وقال:
    متشكرين عالكلمتين
    قوم ياللا روح يا اسماعين
    وخد فى ايدك اليمين عمك أمين
    لحد ما ابيع البضاعة أنا أصلى سالف حقها
    والبنت زينب لساى باحوش مهرها
    وان كان على نصر الرسول يكفينى بس انى اقول
    وكلنا لازم نقول
    اللهم صلى عليه
    اللهم صلى عليه

    GEMY
    ¦¤( ALMODER )¤¦
    ¦¤( ALMODER )¤¦

    ذكر
    عدد الرسائل : 6711
    العمر : 28
    الموقع : egypt
    بتشتغل ايه يا عم : student
    مودك ايه؟ : دماغ عاليه اوووى ومتكلفه
    الاوسمه :
    السٌّمعَة : 2
    نقاط : 23
    تاريخ التسجيل : 17/03/2008

    رد: من وحى بعض ما يكتبه استاذنا الرائع أمين الديب

    مُساهمة من طرف GEMY في السبت مارس 22, 2008 11:34 am

    جااامد يا جيمي بجد انا عمري مهلاقي صاحب احسن منك

    &&**^^(king_of_love)&&**^^

      الوقت/التاريخ الآن هو الأربعاء ديسمبر 07, 2016 11:35 am