*قول نكته طويله ولما تيجي عند اخر سطر وهو السطر المهم اللي في الافيه اعمل نفسك نسيته ولو حد غلس عليك قوله والله كانت نكته جامده بس الظاهر اني نسيتها.
*هات بخاخه مطهر ديتول وامشي ورا شخص معين في اي حته وكل ما الشخص ده يمسك حاجه ويسيبها تروح رششها بالمطهر علي طول.
*وانت بتتكلم في موضوع اقطع كلامك وادي انطباع انك هاتكمل وماتكملش بس خلاص كده.
*لما حد يشكي لك من حاجه قوله انا عندي مشاكل اكتر منك.
*وانت في مطعم بص للي قاعد علي الترابيزه اللي جنبك وانت ماسك لقمه في ايديك وقوله ممكن الطحينه بتاعتك ثواني.
*كل ماحد يقوله حاجه عيدها بصيغه سؤال مثلا هايقول :مش انا عتجوزت قوله: اتجوزت؟ هيقولك:اه الشهر اللي فات قوله:الشهر اللي فات؟؟! وهكذا.
*وانت بتتكلم مع حد برق عينيك فجاه واساله:"سمعت"؟؟ هيسالك: سمعت ايه؟ قوله :ولا حاجه راحت خلاص.
*بعد عشر دقايق كرر نفس الحركه تاني.
*وانت بتتكلم مع حد ماتبصش في وشه ابدا حسسه انك قرفان منه ومش طايقه من الاخر.
*وانت بتتكلم مع حد افضل مركز في وشه جامد لغايه ماهو يقرف منك في الاخر.
*طول ما انت قاعد مع زميلك في الشغل صفر موسيقي نشيد بلادي وصدقني هايحدفوك باي حاجه في وشك ايه الرزاله اللي انت فيها دي ياعم ارحمنا بقي.
*وانت بتصور ورق وفي حد مستنيك اول ماتخلص اظبط مكنه التصوير علي 98 نسخه وقوله بابتسامه واسعه"اتفضل".
*كل ما حد يقولك حاجه قوله هاهاها كل الناس فاكره زيك باظبط.
*وانت قاعد مع ناس وقدامك كمبيوتر تخيل الماوس عده تليفون واتكلم فيها كل شويه بصوت عالي...."الو الو.....ايوا".
*علق فانوس كبير في الشارع وفروع ورق زينه بشرط مايكونش في رمضان ومش علي حسابك علي حساب الناس.
*استلف قلم من حد وحط القلم في بقك واعمل نفسك بتفكر ومنهمك وانت عمال تعضعض في القلم اووووف يخرب بيت الرزاله.
*لو واقف جنب حد بيعد فلوس وفي وسط ماهو بيعد قول بصوت عالي اي رقم عشوائي 865.
*وانت ماشي في حته كل ماتقبلك حاجه طبل عليها يالهوووي ايه الرزاله دي.
*غير قناه التليفزيون قبل نهايه الفيلم او الماتش ب 5 دقايق اكيد هيولعو فيك.
ههههههههههه ايه رايكم بقي غلاسه بجد
اكيد اي حد هيعمل كده هنروح نزورو فالمستشفي هههههه