¦¦§¦¦¤~ M. 0. S. h. K . I .L A ~¤¦¦§¦¦

يشرفنا الاشتراك معانا وتنورنا

احلى مشكله لاجن شباب


    الفرق بين زمان ودلوقت

    شاطر
    avatar
    ميدو ريمو
    ¦¤( COOL GAMED)¤¦
    ¦¤( COOL GAMED)¤¦

    ذكر
    عدد الرسائل : 927
    العمر : 25
    بتشتغل ايه يا عم : طالب فاشل ياكبير
    مودك ايه؟ : ميت فل وعشرتاشر
    السٌّمعَة : 0
    نقاط : 0
    تاريخ التسجيل : 04/07/2008

    598 الفرق بين زمان ودلوقت

    مُساهمة من طرف ميدو ريمو في الجمعة فبراير 06, 2009 1:52 am


    البنت لما حد يسألها..إنتى مخطوبة؟
    زمان:- لسه ربنا مأذنش,وعينها فى الأرض ووشها يحمر.

    دلوقتي:- لأ ليه عندك عريس؟إيدي على كتفك..ناس معندهاش نظر.طيب متشيل انت

    *الولد داخل على باباه ياخد مصروف الاسبوع

    زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه.
    دلوقتى:-
    إيه يا مان احنا النهاردة كام فى الشهر ؟ انت مش هتأبجني ولا إيه حكايتك
    بالظبط ؟ يالا اختصر عشان معنديش وقت وصاحبي بيرنلي عشان انزل.ايه يا عم
    انت وقعت على ودانك وانت صغير ولا ايه ؟مش سامعني يعني ؟ عايز
    الفلوووووووس...المونيـــــــــــــــــــــــــــــ ــى



    *خروج الولد وموعد رجوعه البيت


    زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري.
    دلوقتي:-
    تلاقي الولد داخل الساعة 1 صباحاً ,باباه يقوله كويس انك متأخرتش
    النهاردة!!,يرد الولد تأخير ايه يا مان أنا طالع اغير هدومي ونازل تاني
    ,انا وكام واحد من اصحابي عندنا ماتش كده على الماشي .خش انت نام ومتقلقش
    وانا مش هتأخر...الاب نام وصحي ونزل يصلي الفجر وهو راجع يلاقي ابنه عند
    بتاع الفول بياكل !! ايه يابني انت لسه مروحتش؟ يرد الولد اهلااااا
    بالكبير اوى
    معلش بأه الماتش سخن اصله ولسه خلصان ولا ايه يا جماعة؟؟
    كله يهز راسه بالموافقة وبؤه مليان اكل ,,يكمل الولد بعدين لقينا عصافير
    بطننا (بتنعر!!)قلنا نسدها بأه . :



    دخول الاب البيت

    زمان:-
    يسمعوا بس صوت باباهم من بعيد كله يقوم مرعوب واللى فى ايده حاجة يسيبها
    ويستقبلوا باباهم على الباب ولو معاه حاجة يشيلوها عنه.
    دلوقتى:- الولد
    قاعد قدام الكمبيوتر او بيتفرج على ماتش كورة ، البنت بتتكلم فى التليفون
    (مش فاضيين يعملوا ايه !!) الاب على الباب بيخبط (مع العلم ان الاب ليه
    خبطة مميزة يعني عارفين انه اللى على الباب)
    الاب خبط مرة واتنين ويرن

    الجرس فين وفين البنت اخدت بالها ان فى حد بيخبط,,انت يابني متسيب اللي في
    ايدك ده وتروح تفتح لبابا,,يرد الاخ نعم هاخد اوامر منك اظن؟؟؟ ما تقومي
    انتى ياختي بدل الرغي اللى مالوش لازمة,,ترد نعم؟؟على الاقل انا بتكلم فى
    التليفون اقول ايه لصاحبتي يعني ؟؟انما انت مبتعملش حاجة ماتقوم انت ولا
    انت لازم تمارس دور راجل البيت وخلاص؟؟يرد ماتعدلي كلامك معايا انا اخوكي
    والولد هنا وكلامي لازم يتسمع...ترد على العموم بابا معاه مفتاح وتلاقيه
    شوية وهيفتح بيه ولا الحوجة ليك يا اخويا.




    *نزول الولد لشراء احتياجات البيت


    زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر!
    دلوقتي:-
    الام يطلع عينها من التحايل على الولد ينزل يجيب حاجة من البقال اللي
    جنبهم حتى يرد ما تخلي فلانة تنزل ماهي قاعدة ما بتعملش حاجة.الام تقوله
    يابني اختك المفروض ماتنزلش كتير ديه مهما كانت بنت والوقت متاخر.بنت يعني
    ايه؟؟العو هياكلها مثلا؟ ولا الاشكيف مستنيها؟؟ديه بنتك تخوف بلد.
    يابني انت المفروض راجل البيت..يرد وانتوا خليتوا فيها راجل مش طالبتم
    بالمساواة؟يالا اشربوا عشان تبقوا تقولوا الراجل زى الست.هى فى حاجات
    وحاجات لأ يعني؟؟حاجة غريبة اوي!!!


    *نزول المرأة للعمل


    زمان:- كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل
    دلوقتي:-
    منه لله قاسم امين .هو اللى بهدلنا. هو اللى نزلنا الشغل و خلانا نتبهدل .
    انا ايه اللى يخليني انزل واتبهدل فى المواصلات كده,, مش لو كنا قاعدين فى
    بيوتنا كان يبقى اكرم لنا ؟؟!!!!


    avatar
    WEBMASTER
    ¦¤( ALMODER )¤¦
    ¦¤( ALMODER )¤¦

    ذكر
    عدد الرسائل : 1250
    العمر : 27
    الموقع : www.moshkila.mam9.com
    بتشتغل ايه يا عم : studen
    مودك ايه؟ : cooooooool
    الاوسمه :
    السٌّمعَة : 0
    نقاط : 0
    تاريخ التسجيل : 25/05/2008

    598 رد: الفرق بين زمان ودلوقت

    مُساهمة من طرف WEBMASTER في السبت فبراير 14, 2009 9:52 am

    موضوع جميل يا ميدو تسلم ايدك يا عثل
    ناااااااااايس توبك


    _________________


    Greetings to those who destroyed my life
    Greetings to those who taught me to love and betrayal
    avatar
    شمس لا تغيب
    ¦¤(MOSHRFA MOSHKILA)¤¦
    ¦¤(MOSHRFA MOSHKILA)¤¦

    انثى
    عدد الرسائل : 833
    العمر : 29
    بتشتغل ايه يا عم : طالبه
    مودك ايه؟ : هطق من الغيظ بس
    السٌّمعَة : 0
    نقاط : 0
    تاريخ التسجيل : 06/04/2008

    598 رد: الفرق بين زمان ودلوقت

    مُساهمة من طرف شمس لا تغيب في الأحد فبراير 15, 2009 11:56 pm

    ثانكس روميو بجد توبيك رائع وفعلا الزمن اتغير Very Happy


    ناااااااااااااايس توبيك
    avatar
    EYAD
    ¦¤( ALMODER )¤¦
    ¦¤( ALMODER )¤¦

    ذكر
    عدد الرسائل : 622
    العمر : 29
    بتشتغل ايه يا عم : student
    مودك ايه؟ : don't play with me
    الاوسمه :
    السٌّمعَة : 3
    نقاط : 3
    تاريخ التسجيل : 20/04/2008

    598 رد: الفرق بين زمان ودلوقت

    مُساهمة من طرف EYAD في الثلاثاء فبراير 17, 2009 6:36 pm

    نايس يا بوب


    _________________

      الوقت/التاريخ الآن هو السبت نوفمبر 18, 2017 6:50 pm