¦¦§¦¦¤~ M. 0. S. h. K . I .L A ~¤¦¦§¦¦

يشرفنا الاشتراك معانا وتنورنا

احلى مشكله لاجن شباب


    دروس فى الرذالة ههههههههههه

    شاطر

    GEMY
    ¦¤( ALMODER )¤¦
    ¦¤( ALMODER )¤¦

    ذكر
    عدد الرسائل : 6711
    العمر : 28
    الموقع : egypt
    بتشتغل ايه يا عم : student
    مودك ايه؟ : دماغ عاليه اوووى ومتكلفه
    الاوسمه :
    السٌّمعَة : 2
    نقاط : 23
    تاريخ التسجيل : 17/03/2008

    دروس فى الرذالة ههههههههههه

    مُساهمة من طرف GEMY في الأربعاء أبريل 09, 2008 2:19 am

    واحدة واحدة معايا بقى إن شاء الله هخليك
    أرذل واحد فى الدنيا دى
    نبتدى الحصة الأولى


    ازاى تبقى رذل فى المواصلات

    لو راكب فى باص أو ميكروباص وجنبك حد نايم اوعى تسيبه نايم
    كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى


    لو مش نايم متسيبوش فى حاله برضه عيب عليك متجيش
    ركز على سؤال واقعد اسألهوله كل شوية زى أنت نازل فين طب انت دفعت ولا لأ


    لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
    أو قوله ماتنزل من الشباك


    لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
    اتمطع بقى وقول ياسلام على الراحة الواحد مكنش عارف هيعمل أيه لو مش قاعد

    لو العكس بقى اقعد اسأل كل واحد انت نازل فين واقعد قول بصوت عالى
    ياجماعة محدش نازل قريب أصل انا عايز اقعد طول مانت واقف قول كده لحد مايقعدوك



    لما يدى حد تذكرة قوله ورينى كده لو سمحت واقعد اتأمل فيها
    لحد ما صاحبها يزهق ويشدها منك

    فى مفتش بقى ساعات بيطلع يفتش على التذاكر وبيطلع على السريع كده وينزل
    أنت بقى اوعى تديهاله علطول كده أزعل منك والله
    دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
    واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك

    كفاية كده بقى حرام المفروض تنزل قبل الناس ماتموت منك
    أستنى رايح فين أنت نازل عادى كده ولا كأنك رذل ولا حاجة
    وأنت نازل هيبقى فى ناس واقفة أعمل نفسك مش عارف تعدى
    وحاول تجاهد على قد ماتقدر وتضيع الوقت اللى تقدر عليه
    لحد الناس ماتشيلك وترميك بعد ماتكون جبتلهم السكر ورفعت ضغطتهم



    كده إنتهت الحصة الأولى
    واللى عنده أى إضافة مفيش مانع
    أهو معلومة ونستفيد منها كلنا
    إن شاء الله الحصص هتنزل كل أسبوع كده
    درس خصوصى مجانى أهو للى عايز يتعلم






    مريم
    ¦¤(MOSHRFA MOSHKILA)¤¦
    ¦¤(MOSHRFA MOSHKILA)¤¦

    انثى
    عدد الرسائل : 758
    العمر : 28
    بتشتغل ايه يا عم : سماع الاغاني
    مودك ايه؟ : رومانسيه
    السٌّمعَة : 1
    نقاط : 4
    تاريخ التسجيل : 11/04/2008

    رد: دروس فى الرذالة ههههههههههه

    مُساهمة من طرف مريم في الثلاثاء أبريل 29, 2008 7:23 pm

    يارذل روح ياشيخ بس تعالي بسرعه

      الوقت/التاريخ الآن هو الأربعاء ديسمبر 07, 2016 11:13 pm