¦¦§¦¦¤~ M. 0. S. h. K . I .L A ~¤¦¦§¦¦

يشرفنا الاشتراك معانا وتنورنا

احلى مشكله لاجن شباب


    أشهر جمل بيقولوها الأب و الأم في مصر

    شاطر

    بنوتة حلوة
    §¦¦¤~ MOSHRF MOSHKILA~¤¦¦§
    §¦¦¤~ MOSHRF MOSHKILA~¤¦¦§

    انثى
    عدد الرسائل : 128
    العمر : 26
    بتشتغل ايه يا عم : مقضياها نت هو فيه غيره
    مودك ايه؟ : cooooooooooooooool
    الاوسمه :
    السٌّمعَة : 0
    نقاط : 0
    تاريخ التسجيل : 30/05/2008

    mmmmmmmmmmmmm أشهر جمل بيقولوها الأب و الأم في مصر

    مُساهمة من طرف بنوتة حلوة في الأربعاء أغسطس 06, 2008 9:47 pm



    ...*...*...*...* ...*...*...*...*...*...*...*...*...*...


    * امشى جاتك مشش فى ركبك .


    * جتها نيلة الى عايزة خلف تيجى تتفرج .


    *ذاكر ياموكوس مش فالح غير فى الهيافه والكلام الفاضى.


    * ربنا يرزقك بعيل يوريك اللي ورتهوني.


    * هات كيس عيش وانت راجع.


    * هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .


    * كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.


    * هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

    *أوعا حد يضحك عليك ويقولك جرب السيجارة دي.


    *ابقى ورينى مين حينفعك فى الاخر من شوية الصيع الى انت مشيلى وراهم .


    * قوم اقرا لك كلمتين ينفعوك .


    * وطي المدعوق ده شويه .


    * انت فاكرنا نايمين على ودانا ؟


    *لما ما ترضاش تاكل في البيت:طبعا مانت اتعودت علي اكل بره .


    *ياريتك تحفظ دروسك زى مانت حافظ الاغانى.


    * عيـــب ... لازم تحترم اللي أكبر منك .


    * لو شفت خناقه ما لكش دعوة بيها .


    * كريم دا عيل بايظ وماتمشيش معاه تاني .


    * مين منى دي انتى كل يوم تصاحبي واحدة جديدة ؟.


    * انته مبتكلش جزر ليه .. اجيبلك برتقانه. طب كل سلطه .


    * يبني بأسلوبك ده مش هتعيش معاك واحده .


    * قومي ساعدي امك ده اللي هيتجوزك أمه داعية عليه.


    * اوعى حد غريب يديلك حاجه تاكلها و تشربها و تاخدها منه .


    * يا ابني حرام عليك الى بتعمله فينا ده.


    * انا سايبالكوا البيت وماشية ومش حتشوفوا وشي تاني .


    * لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.


    * وانت فاكر احنا مستنيين منك حاجه .


    * المسلسل مش هينفعك ...قوم .


    *ماتقعد يابنى تكمل أكلك , انت كلت حاجة!!!
    (طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
    .


    * كفايه رغي في التليفونات .


    * كل على مهلك .. وامضغ كويس ... وما تكلش وانت واقف .. وكل من قدامك ما تحفش .


    * اطفي التلفزيون وقوم ذاكر ولا و خش اوضتك .


    * بلاش تمشى حافى البس شبشب وانته داخل الحمام .


    * ما فيش مذاكرة على المزيكا .. وازاى بتذاكر و البتاع ده شغال جنبك .


    * افرد ظهرك .


    * لم شراباتك.


    * ماتكلش فى ضوفرك.


    * كنت فين لحد دلوقتى يا صايع.


    * ماتتأخرش علشان عندك كلية بكرة بدرى.


    * انا مش عارف انته طالع لمين.


    * انا : ياماما بقه ايه ده ؟؟؟
    ماما:مووو لمـا يــــــخدك .


    * ادلعى ياهبة فى ايامك المهببة .

    * ده منظر اودة بني آدم ، انت عايش فيها ازاي؟.


    * هو انا الخدامه الى ابوكم جبهلكم .


    * الى يطلع من الاوضه يطفى النور وراه .


    *أبوك عندك أهو اتصرف معاه .


    * اللي بيشيل قربه مخرومة بتخر عليه لوحده ..


    * لو مش فاهم حاجه ارفع ايدك و قول للأستاذ مش فاهم .. متتكسفش .


    * البس فنله قطن تحت ودفي سدرك ودخل التيشرت في بنطلون البيجامه وانته نايم .


    * يأبنى المذاكره مابتخلص .... نفسى اشوفك مره ماسك كتاب.


    * اعمل حسابك مش حندخلك جامعه خاصه.


    * قالب ليلك نهارك طول الليل صاحى وطول النهار نايم
    طبعاً ما حضرتش ولا محاضرة ولا سكشن , وطول اليوم صايع بره البيت .


    * مالكش دعوة بالسياسة .. وماتمشيش في مظاهرات .و امشي جوا الحيط :d:d .


    * احمد ربنا الاكل الى مش عجبك ده فى ناس مش لقينه .


    * التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .


    * قومي سخني الأكل لأخوكي.


    * ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

    * ومن اشهر الجمل الى بتتقال كل يوم بعد الاكل :
    انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.


    * و أخيرا ::

    ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركذ والناس ماشيه حوليه فى الشارع )

    study


    _________________
    لا إله إلا الله عــــ ـــــدد مـــــــا ك ــــان ،
    وعــــــــدد ما يـــ ك ـــون ، وعــــــــــدد الحــــــــــركات


    والســـــ ك ـــــــــــــون


    من عاش لنفسة يحي صغيرا و يموت صغيرا و من عاش للناس أمتد عمرة بأعمار كل من أسعدهم

    جومانا
    المشــــــرف الــــعام
    المشــــــرف الــــعام

    انثى
    عدد الرسائل : 1412
    العمر : 26
    بتشتغل ايه يا عم : طالبة
    مودك ايه؟ : شغااااااااااااال
    السٌّمعَة : 0
    نقاط : 0
    تاريخ التسجيل : 13/05/2008

    mmmmmmmmmmmmm رد: أشهر جمل بيقولوها الأب و الأم في مصر

    مُساهمة من طرف جومانا في الأربعاء أغسطس 06, 2008 10:26 pm

    ههههههههههههههههههههههههههههههههههههههههه
    ميه ميه والله
    فكرتيني بايام الثانويه العامه
    كانت ايام منيله يارب ماترجع تانى
    تسلم ايدك يا قمر توبيك رووووووووعه

    شمس لا تغيب
    ¦¤(MOSHRFA MOSHKILA)¤¦
    ¦¤(MOSHRFA MOSHKILA)¤¦

    انثى
    عدد الرسائل : 833
    العمر : 28
    بتشتغل ايه يا عم : طالبه
    مودك ايه؟ : هطق من الغيظ بس
    السٌّمعَة : 0
    نقاط : 0
    تاريخ التسجيل : 06/04/2008

    mmmmmmmmmmmmm رد: أشهر جمل بيقولوها الأب و الأم في مصر

    مُساهمة من طرف شمس لا تغيب في الخميس أغسطس 07, 2008 12:25 am

    ههههههههههههههههههه

    فعلا عندك حق معظم الامهات بتقول كدا

    ميرسي يا عسل علي الموضوع الحلو دا

    GEMY
    ¦¤( ALMODER )¤¦
    ¦¤( ALMODER )¤¦

    ذكر
    عدد الرسائل : 6711
    العمر : 28
    الموقع : egypt
    بتشتغل ايه يا عم : student
    مودك ايه؟ : دماغ عاليه اوووى ومتكلفه
    الاوسمه :
    السٌّمعَة : 2
    نقاط : 23
    تاريخ التسجيل : 17/03/2008

    mmmmmmmmmmmmm رد: أشهر جمل بيقولوها الأب و الأم في مصر

    مُساهمة من طرف GEMY في الخميس أغسطس 07, 2008 1:55 am

    ههههههههههههههههههههه توبك جامد تسلم ايدك يا قمر


    _________________



    ليلة فى حضنك ياه بالدنيا وكل ما فيها هى حياتى حياة لو لحظة تكون مش فيها

    من اكون؟
    ¦¤(MOSHRFA MOSHKILA)¤¦
    ¦¤(MOSHRFA MOSHKILA)¤¦

    انثى
    عدد الرسائل : 636
    العمر : 26
    بتشتغل ايه يا عم : الترفيه عن كل من ضاق صدره من الاحزان
    مودك ايه؟ : طاير فى عالم من الخيال
    السٌّمعَة : 0
    نقاط : 0
    تاريخ التسجيل : 24/05/2008

    mmmmmmmmmmmmm رد: أشهر جمل بيقولوها الأب و الأم في مصر

    مُساهمة من طرف من اكون؟ في الخميس أغسطس 07, 2008 11:00 pm

    ههههههههههههههههههههههه

    والله عندك حق

    تسلم ايدك يا قمر

    توبيك جامد

    تقبلى مرورى

      الوقت/التاريخ الآن هو الجمعة ديسمبر 09, 2016 10:40 am