¦¦§¦¦¤~ M. 0. S. h. K . I .L A ~¤¦¦§¦¦

يشرفنا الاشتراك معانا وتنورنا

احلى مشكله لاجن شباب


    كافيه !!!!!

    شاطر

    GEMY
    ¦¤( ALMODER )¤¦
    ¦¤( ALMODER )¤¦

    ذكر
    عدد الرسائل : 6711
    العمر : 28
    الموقع : egypt
    بتشتغل ايه يا عم : student
    مودك ايه؟ : دماغ عاليه اوووى ومتكلفه
    الاوسمه :
    السٌّمعَة : 2
    نقاط : 23
    تاريخ التسجيل : 17/03/2008

    89 كافيه !!!!!

    مُساهمة من طرف GEMY في السبت سبتمبر 06, 2008 5:53 am

    هشام : مش مصدق نفسى يا حبيبتى إننا قاعدين مع بعض
    منار : لا صدق ما هى بتيجى مع العمى ضباش
    هشام: المكان حلو قوى مش كده
    منار : لا ده خنيق
    هشام: دنا إختارته بالذات عشان عارف إنك بتحبى الأماكن الكلاسيك
    منار: الله يمسيك بالخير يا صلاح
    هشام : مين صلاح ده ؟
    منار : ده حبيبى الأولانى
    هشام : وإيه اللى فكرك بيه
    منار : لأ انا دايما فاكراه أصل قصتنا فظيعه
    هشام : وإيه اللى خلاكى تسيبيه ( بروح أمك فى سره ) ..... يا حبيبتى
    منار : ولا حاجة أصل شخصيته كانت قويه وانا مش بحب الراجل اللى عنده شخصيه
    هشام : عشان كده بتحبينى ياروحى
    منار : طبعا يا حياتى هو انا عرفت معنى الحب غير معاك
    هشام : يا سلام عالكلام الجميل
    منار : الله يمسيك بالخير يا طارق
    هشام : أوفففففففففف مين طارق ده
    منار : ده حبيبى وانا فى إعدادى
    هشام : ولسه فاكراه
    منار : طبعا وطارق يتنسى كان بيموت فى كلامى الحلو
    هشام : كل الناس لازم يموتوا فيكى يا روحى
    منار : مش هنطلب حاجة
    هشام : جرسون ممكن نطلب
    الجرسون : تحت أمرك يافندم
    هشام : تطلبى إيه يا حبيبتى انا هاخد مانجة
    منار : انا هاخد فراوله على استفندى
    هشام : إيه الطلب العجيب ده
    منار : اصله بيفكرنى بمعتز
    هشام : حبيبك فى الحضانه
    منار : يخرب عقلك دنتا عارف عنى كل حاجة
    هشام : متسيبينا من الناس دى وتعالى نفكر فى بعضنا بقى
    منار : انت اللى فى القلب يا شوشو
    هشام يمد يده ممسكا بيد منار قليلا ثم ينتقل للكرسى المجاور لها ويتبادلان الحديث وأثناء غفلة من الجميع يقترب منها ويطبع قبله على جبينها تغمض عيناها بعدها وتركن برأسها إلى الكرسى وتهمس يا سلام الله يمسيك بالخير يا عبخالق
    يهب هشام من مقعده أثناء أقتراب الجرسون بالمشروبات ويحمل كوب الفراوله بالأستفندى ويقلبه على دماغ منار ويقولها يلعن أبو صلاح على أو طارق على أبو معتز على أبو عبخالق على أبوكى إ‘نتى كمان ويخرج مسرعا من الكافيه
    تنظر منار للجرسون وتضحك فى رومانسية وتقول له بموت فى عصبيته الله يمسيك بالخير يا علاء



    _________________



    ليلة فى حضنك ياه بالدنيا وكل ما فيها هى حياتى حياة لو لحظة تكون مش فيها

      الوقت/التاريخ الآن هو الأحد ديسمبر 04, 2016 5:16 pm