¦¦§¦¦¤~ M. 0. S. h. K . I .L A ~¤¦¦§¦¦

يشرفنا الاشتراك معانا وتنورنا

احلى مشكله لاجن شباب


    كلهم بيقولوا كده فى الاول والكلام الحلو بيتحول !!!

    شاطر

    GEMY
    ¦¤( ALMODER )¤¦
    ¦¤( ALMODER )¤¦

    ذكر
    عدد الرسائل : 6711
    العمر : 28
    الموقع : egypt
    بتشتغل ايه يا عم : student
    مودك ايه؟ : دماغ عاليه اوووى ومتكلفه
    الاوسمه :
    السٌّمعَة : 2
    نقاط : 23
    تاريخ التسجيل : 17/03/2008

    كلهم بيقولوا كده فى الاول والكلام الحلو بيتحول !!!

    مُساهمة من طرف GEMY في الأربعاء أكتوبر 22, 2008 1:16 pm

    دا يا جماعة بيكون بدايةحوار بين اتنين بيشتغلوا بعض ولسه بدئين يحبوا بعض بس هو الصراحة فى الاخر مش حب خالص دول بيغشوا

    وينافقوا بعض



    إنتى البنت إللى فى خيالى نفس الشعر و نفس العينين و ....وألخ. دى أول جملة الولاد بيقولوها

    للبنات فى بداية إشتغالاتهم لبعض و طبعا بيكون رد البنات "إنت فارس أحلامى ناقصك حصان و

    خوذة و تبقى صورة طبق الأصل للواد إللى باحلم بيه" الحياة بتفضل طبيعية لمدة شهر تقريبا فى

    كل مقابلة الولد بيحلق دقنه و بيمسح الشوز و يغسل سنانه و يكوى هدومه و البنت بتسرح

    شعرها و تحط ميك اب و بتلبس هدوم شيك و لكن بعد مرور الشهر إياه كل واحد بيزهق من

    التانى .. الولد بيرجع للكورة و يعد على النت و قعدة القهوة و البنت بترجع لصاحباتها و النميمة و

    الفرجة على التليفزيون والكلام فى التليفون و بعد ما كان حاطط لها نغمة "قصاد عينى" بقى

    يحطلها نغمة "كلهم بيقولوا كده فى الأول" ، السبب الحقيقى للمشاكل دى إن كل واحد بيزهق

    من التمثيل على التانى و بيبدأ كل واحد يظهر على طبيعته ، الولد بقى بيتأخر على معاده مع

    البنت ساعة و بيروح يلاقيها لسه ماجاتش و بينزل ضارب شعره جيل و منعكشه و مربى ذقنه و البنت بتيجى لمه شعرها بتوكة و من غير ميك آب .. و بعد ما كان بيشدلها الكرسى علشان تقعد

    بقى بينقى الكرسى النضيف و يقعد عليه و بعد ما كانت بتصمم إنها تشرب أى حاجة على مزاجه

    مابقتش تشرب غير قهوة سادة زى اليوم الإسود إللى مش هيعدى ، العيوب إللى كانت مستخبيه

    كلها ورا التمثيل بتاع أول شهر حب بتظهر و كل واحد بيقول للتانى انه لازم يتغير علشانه لو بيحبه

    بعد ما كان الواد بيقولها إنه عارف إن مشكلته انه عصبى و هى ترد عليه مش مهم يا حبيبى أنا

    هاستحمل و مش هاستفزك و اول ما يتنرفز عليها وشها بيتقلب و الدنيا بتضلم و طبعا الولد مش

    هيسكت و البنت هاترجع رابطة عينيها و الولد هيرجع مجبس رجله و بعدين هيرجعوا لبعض تانى ،

    و لو قعدوا فى المطعم ياكلوا و هو عارف إنها مش بتحب الشطة مثلا هيدلق إزازة الشطة كلها فى

    الطبق إللى قدامها و هيقولها علشان تتعودى لما نتجوز و طبعا علشان ما تحصلش إصابات زى

    الحادثة إللى فاتت بتضطر تاكل و لو إتصلت به فى وقت متأخر فى البيت يقولها إقفلى دلوقتى عاوز

    أنام كلمينى بكره و لو إتصل بيها على الموبايل تقوله بابا قاعد معايا فى الأوضة و تقفل معاه

    السكة ، كل واحد بيكون مصمم إن التانى يتغير علشان يقدروا يكملوا مع بعض و الرد الطبيعى

    بيكون أنا كده و عمرى ما هاتغير عجبك على كده ماشى .. مش عاجبك كل واحد يروح لحاله ،

    المشكلة إن كل واحد مش بيصارح إللى بيحبه بكل حاجة بيفتكر إنه لو قال الحقيقة الطرف التانى
    هيقلبه

    ،,,,, لو بيحبوا بعض صحيح الإثنين هيستحملوا بس المشكلة إن ده كله تمثيل فى تمثيل و لما بيزهقوا كل حاجة بتظهر على حقيقتها فالمفروض كل واحد فينا يبقى على حقيقته مع اللى بيحبه لان ان شاء الله ممكن يحصل نصيب ويبقوا لبعض فى الاخر ولا انتوا رأااااايكم ايه؟؟؟؟؟


    _________________



    ليلة فى حضنك ياه بالدنيا وكل ما فيها هى حياتى حياة لو لحظة تكون مش فيها

    جومانا
    المشــــــرف الــــعام
    المشــــــرف الــــعام

    انثى
    عدد الرسائل : 1412
    العمر : 26
    بتشتغل ايه يا عم : طالبة
    مودك ايه؟ : شغااااااااااااال
    السٌّمعَة : 0
    نقاط : 0
    تاريخ التسجيل : 13/05/2008

    رد: كلهم بيقولوا كده فى الاول والكلام الحلو بيتحول !!!

    مُساهمة من طرف جومانا في الأربعاء أكتوبر 22, 2008 2:09 pm

    صح كلامك كله صح جداااااااااااااا
    فى ناس كتير بتمثل على بعض وهما الاتنين بيبقوا عارفين كدة وبرضو بيستمروا
    لازم ييجوا جد مع بعض من الاول ويفهموا بعض كويس عشان ميبقاش فى زهق
    نايس توبيك يا جيمي رااااااااااااااائع


    _________________
    اذا كان الحب جريمة فساكون انا المجرم وانت القاضي
    تحكم عليا بما تشاء
    فاذا حكمت بالسجن فلن اقبل الا داخل قلبك
    واذا حكمت بالموت فلن اقبل الا على صدرك
    واذا حكمت بالعفو فدعنى احبك

    GEMY
    ¦¤( ALMODER )¤¦
    ¦¤( ALMODER )¤¦

    ذكر
    عدد الرسائل : 6711
    العمر : 28
    الموقع : egypt
    بتشتغل ايه يا عم : student
    مودك ايه؟ : دماغ عاليه اوووى ومتكلفه
    الاوسمه :
    السٌّمعَة : 2
    نقاط : 23
    تاريخ التسجيل : 17/03/2008

    رد: كلهم بيقولوا كده فى الاول والكلام الحلو بيتحول !!!

    مُساهمة من طرف GEMY في الأربعاء أكتوبر 22, 2008 2:56 pm

    كلامك فعلا بجد يا جوجو تسلمى على الرد يا قمر


    _________________



    ليلة فى حضنك ياه بالدنيا وكل ما فيها هى حياتى حياة لو لحظة تكون مش فيها

    الطائر الجريح
    ¦¤( COOOL BrobleM )¤¦
    ¦¤( COOOL  BrobleM )¤¦

    انثى
    عدد الرسائل : 67
    العمر : 24
    بتشتغل ايه يا عم : student
    مودك ايه؟ : مية مية والحمد لله
    السٌّمعَة : 0
    نقاط : 0
    تاريخ التسجيل : 24/04/2008

    رد: كلهم بيقولوا كده فى الاول والكلام الحلو بيتحول !!!

    مُساهمة من طرف الطائر الجريح في الأربعاء أكتوبر 22, 2008 3:16 pm

    بجد كلامك صح لو كانت اشتغاله
    بس الحب حب وانا عن نفسي لما بحب مش بخبي اي حاجه من طباعي عن اللي بحبه
    لان ببقة دايما حاطه ببالي اننا هنكون لبعض والله اعلم هنكمل ولا لا



    ميه ميه يا جمجم

      الوقت/التاريخ الآن هو الجمعة ديسمبر 09, 2016 12:38 pm