¦¦§¦¦¤~ M. 0. S. h. K . I .L A ~¤¦¦§¦¦

يشرفنا الاشتراك معانا وتنورنا

احلى مشكله لاجن شباب


    ليه الشباب مش لاقى شغل؟؟

    شاطر

    جومانا
    المشــــــرف الــــعام
    المشــــــرف الــــعام

    انثى
    عدد الرسائل : 1412
    العمر : 26
    بتشتغل ايه يا عم : طالبة
    مودك ايه؟ : شغااااااااااااال
    السٌّمعَة : 0
    نقاط : 0
    تاريخ التسجيل : 13/05/2008

    ليه الشباب مش لاقى شغل؟؟

    مُساهمة من طرف جومانا في الأربعاء أكتوبر 22, 2008 7:23 pm





    عمرك فكرت كده هو ليه الناس بعد ما تتخرج من الجامعة بيفضلوا يدوروا على الشغل اللي بيشتكوا منه لو لقوه وبيشتكوا من قلته لو ما لقوهوش. أنا فضلت أفكر فى الموضوع وأسأل أصحابى وناس ما أعرفهاش أصلاً، شوية يقول لك عشان لقمة العيش، وشوية يقول لك عشان تحقيق طموحاتك وتكون عضو فعال فى المجتمع، وحاجات تانية كتير. طيب تفتكر ليه واحد زى "بيل جيتس" بيشتغل ولا واحد زى الوليد بن طلال عندهم فلوس تكفى شعوب وعندهم شهرة ما يختلفش عليها حد، حأقولك أنا بقى ليه عشان بكل بساطة لو فضلت عايش مابتعملش أى حاجة غير إنك تأكل وتضيع وقتك وتنام مستنى تانى يوم هتبقى سعيد لفترة لحد لما تحس بالملل الشديد جداً ده غير طبعاً إنك هتحس إن مخك مابقاش ليه لازمة، يعنى من الآخر الشغل ده إحتياج نفسى قبل ما يبقى عشان الأكل والمجتمع وكل الحاجات دى اللي هى طبعا حاجات مهمة جداً وأساسية.



    طيب نرجع للسؤال الأساسى هو ليه دلوقتى طول ما إنت ماشى كل اللي حواليك يقول لك البطالة، الشباب مش لاقى شغل، الحكومة لازم تشغل الشباب، و كلام من النوع ده كتير؟
    طيب إيه رأيكم بقى إني عندي مفاجأة، أنا عندي وظايف خالية، وتكفى كل الشباب اللي قاعد حاطط إيده على خده. لأ بجد أنا فعلاً عندي الحل، وهأقول لكم عليه بس ليا شرط واحد عشان أقول لكم، إنكم تكملوا معايا للآخر عشان تعرفوا الحل. دلوقتى لو قلنا مثلاً إن الوظايف فى أى شركة حاجة عاملة كده زى عمارة مبنية بطوب أحمر، اللى هو مابين كل طوبة وطوبة لازم يبقى فيه أسمنت يمسكهم ببعض، بمعنى تانى إن فى وظايف فاضية و الشركات مش لاقية حد يقدم فيها عشان محتاجة مهارة زيادة أو شهادة إضافية، إحنا شبابنا مشكلته إنه بيبص على الطوب بس وينسي موضوع الأسمنت، يعنى تلاقى خمسين واحد مقدم على الشغلانات الواضحة اللي مش محتاجة مهارات كتير جنب الشهادة، وتلاقى وظيفة مرتبها أحسن والشركة عمالة تعلن عنها ومفيش شاب واحد مقدم فيها. ليه؟ عشان مثلاً محتاجة مهارة أو لغة تالتة.


    المشكلة إن إحنا عمالين نقول التقدم والتكنولوجي والكلام الجامد ده ومن غير ما نحاول نعرف الناس دى بقت كده إزاى، دلوقتى فى أى دولة فى العالم الناس مابقتش بتشتغل بالشهادة بتاعت الجامعة وبس، بقى فى علم جامد جداٍ اسمه التنمية البشرية, بيشرح إزاى تتكلم، إزاى تشتغل وسط مجموعة، إزاى تبقى شخص إيجابى وحاجات تانية كده كتير بتخلى الشاب متميز فى حاجات مهمة زى مهارات الإقناع و العمل وسط مجموعة وكمان بيكون شخص إيجابى وقيادى، فطبعاً الشركات مش هتدور على الأخ اللي قاعد يصم الكتاب فى الكلية وفاكر إنه كده هيبقى الموظف الحلم فى أى شركة.




    دلوقتى لو بصيت فى أى إعلان وظايف فى شركة كبيرة تلاقى مطلوب يبقى المتقدم عنده الإضافية المهارات دى، وحتي لو مش مطلوب بيبان على طول الناس المتميزه من أول يوم فى الشغل عن اللي متعين بشهادة نظرية مفيهاش أى خبرة عملية. وعلى فكرة الشركات اللي بتدى كورسات التنمية البشرية انتشرت في البلد اليومين دول وبقى سهل تلاقيها.
    كان فى تمثيلية من كام سنة فى رمضان كان إسمها العمة نور، فى التمثيلية دى إتقالت حكمة هى جوهر حصول أى شخص على الشغل اللي بيحلم بيه، " كل إنسان لازم يبقى عنده علم درسه و تخصص فيه، حرفة إكتسبها و بقى بيشتغلها بإستمرار، و هواية ليها علاقة بموهبة عنده ينميها ويكبرها". لو طبقت الحكمة دى على نفسك هتلاقى إنك عندك بدل الفرصة تلاتة عشان تشغل، وده عشان إنت بتعرف تعمل تلات حاجات مش حاجة واحدة.
    الخلاصة إنك لو عاوز تشتغل ذاكر فى الكلية و شوف إيه المهارات اللي تميزك عن اللي حواليك وإتعلمها، نمى مواهبك، وبمنتهى السهولة هتلاقى الوظيفة اللي تستحقها.
    السؤال بقى و ده مفيش حد يعرف إجابته غيرك, هل إختياراتك هتحقق أحلامك ؟


    _________________
    اذا كان الحب جريمة فساكون انا المجرم وانت القاضي
    تحكم عليا بما تشاء
    فاذا حكمت بالسجن فلن اقبل الا داخل قلبك
    واذا حكمت بالموت فلن اقبل الا على صدرك
    واذا حكمت بالعفو فدعنى احبك

    الرومانسى
    ¦¤( COOOL BrobleM )¤¦
    ¦¤( COOOL  BrobleM )¤¦

    ذكر
    عدد الرسائل : 68
    العمر : 27
    بتشتغل ايه يا عم : عاطل بس بدرس
    مودك ايه؟ : فى احلى الايام
    السٌّمعَة : 0
    نقاط : 0
    تاريخ التسجيل : 22/10/2008

    رد: ليه الشباب مش لاقى شغل؟؟

    مُساهمة من طرف الرومانسى في الأربعاء أكتوبر 22, 2008 9:45 pm

    على فكره يا جوامانه موضوعك اكتر من هايل وبصراحه انا مش عندى كلام اقوله اكتر من اللى انتى اقولتلى
    بس فى حاجه احنا كشباب مصرى كل واحد بعد ما يتخرج يفضل اعد فى البيت ويستنه الشغل ولو دور على الشغل يبيقى فى حته قريبه جدا من بيته ولو ما لاقيش يقول ماهو مفيش شغل والبلد فى بطله والكلام ده وانا عندى ناس كتير كده
    احنا فى مصر لم الواحد بيروح يقدم فى شركه بتبقى عايزه خبرات وكده بس لو معاك لغات ومعاك كمبيوتر هتشغل
    وعلى فكره انا عندى استعداد اشغل اى حد فى المتندى وفى دوله فى العالم بس يكون معه انجليزى وكمبيوتر بس احنا كشباب بندور على السهل ونقف جبه مش بنحاول نحط هدف امامنا

    ويارب ما اكون طولت عليكى يا جوامانه

    GEMY
    ¦¤( ALMODER )¤¦
    ¦¤( ALMODER )¤¦

    ذكر
    عدد الرسائل : 6711
    العمر : 28
    الموقع : egypt
    بتشتغل ايه يا عم : student
    مودك ايه؟ : دماغ عاليه اوووى ومتكلفه
    الاوسمه :
    السٌّمعَة : 2
    نقاط : 23
    تاريخ التسجيل : 17/03/2008

    رد: ليه الشباب مش لاقى شغل؟؟

    مُساهمة من طرف GEMY في الجمعة أكتوبر 24, 2008 8:35 pm

    العيب فى البلد نفسها دى بلد زباله بره الواحد بيتخرج بيجيلو جواب تعينه لحد عنده وتبع الشهاده الى متخرج بيها مش هنا يبقى خريج طب ويشتغل نقاش ولا زبال

    دى بلد بايظه ربنا يطلعنا منها على خير


    _________________



    ليلة فى حضنك ياه بالدنيا وكل ما فيها هى حياتى حياة لو لحظة تكون مش فيها

      الوقت/التاريخ الآن هو الأربعاء ديسمبر 07, 2016 11:35 am