كنت بشوف مواضيع جديدة لقيت الموضوع ده لفت انتباهى
واستغربت جدا من اللى فيه لانى مكنتش متوقعة ان الحال وصل للدرجة دى
فحبيت اعرف رايكم
سالخير عليكم
منورييييييييييييييين
بس
ايه يا عم القعده الناشفه دي مفيش مزتين نتمشى معاهم ولا ايه
اشطه يا معلم يلا نظبطلنا مزيتين
لا اصل انا مش بعرف اعاكس
يا اهبل مش عارف تظبط حتت مزه
اصل انت لازم تعرف طيب .... وليه تعرف يا عم ما البنات متلقحه في كل مكان
يا عم اي مزه تعجبك روح واتعرف عليها هي دي مشكله
يا عم دي ممكن تنفضلي وتمشي ( يا ابني ده تقل بس في الاول )
يا عم دي ممكن تحرجني وتقولي كلمه ملهاش لازمه في الشارع ( خليك بارد وهي هتزهق وتقولك عاوز ايه )
يا عم دي ممكن تلم عليا الناس في الشارع ( يا ابني ابقى تنح ولا كأن فيه حاجه واديها كلمتين حلوين هتضحك يا معلم وتظبطها )
يا عم يا عم يا عم .... ايه يا عم هو انت بتتكلم مع بقال
اسهل حاجه دلوقتي انك تتعرف على اي بنت ماشيه في الشارع
لا وكمان كل مشكله وليها حلها ... مفيش بنت مش هتعرف تكلمها وتتعرف عليها ... اصل هم دول البنات يا ابني انت لسه متعرفش
وطبعا لازم اي شاب يكون بيعرف يعاكس والا يبقى اهبل ومصيبته سوده انه مبيعرفش يعاكس
وانت مبتعرفش ( زي ما الاخت مروة بتقول )
الحوار ده بيحصل مع اغلب الشباب ده لو مكنش كل الشباب
طيب ده مع الشباب ... طيب والبنات ... .؟
والبنات بقت زي الولاد واسخم بس علشان طبيعة الحياه لازم الولد هو اللي يبداء في الكلام
لا وتعمل نفسها تقيله اوي ال ايه مش بتتعرف على ولاد
والمشكله انه بعد ما يتعرفوا عليهم مفيش نص ساعه وتلاقي هيهيهيهيهيه للصبح ولا كأن يعرفوهم من خمسين سنه قبل الميلاد
للدرجه دي البنت بقت رخيصه اوي كده ... لدرجه ان اي واحد عجبته واحده في الشارع يكلمها عادي ويتعرف عليها
ده كمان فيه بنات هي اللي بيعاكسوا وهم اللي بيكلموا الولاد وحصلت قدآمي والله
ده انا بقف اشتري سيديهاية مثلا من بتاع السيديهات والاقيلك بنت مسكت البياع وهاتك يا تلاكيك وضحك وقلة ادب وتقعد تنكش فيه والمصيبة ان (( دمها تقييييييييييييييل )) لكن الاقيلك البياع فتح في الضحك والكركرة ..
بلاش ..
ابقى قاعدة في الاتوبيس مثلا .. الاقي بنت بتقول لراجل قدامها (( اقفل الشباك الجو ساقعة )) .. اقول ما شاء الله بنت عفيفة اتكلمت بكل ادب وذوق ..
الاقيها شوية وتقوله (( اصل اليومين دول الجو صعب اوي .. ده الواحد بيلبس الدولاب كله وبرده سقعاااااااااااااااان وايه تديها الضحكة التماااااااااااااااااااااااام ))
شوية وبقدرة قادر الاقيلك الراجل جه من قدام يقعد جمبها وهاتك يا رغي
يانهار مش فايت .. !!!!!!!!!!!!
بسهولة كده البنت اتعرفت على واحد وخدت وادت معاه في الكلام .. ؟؟!!!!!
ولو هنقول محدش بيبصلها مثلا فا نفسها تعيش الدور .. طب وهو انتي هتبقى مبسوطة يعني لما تصغري في نظر اللي قدامك ويسيبك بعد يومين . ؟!!!
***************
ده حتى عادل امام من بعد ما كان بيقول ( بلد بتاعت شهدات صحيح ) بقى يقول ( البلد دي عاوزه صيع )
انا عارفه ان الموضوع رخم اوي بس دي حقيقه بجد احنا عايشين فيها
وبجد مش عارفه ليه ممكن بنت تدي فرصه لاي واحد انها تكون بالنسباله حاجه زي اي حاجه عاوزها بيتشريها من السوبر ماركت
ده حتى اما اي حد بيروح يشترى حاجه بيكون ليها قيمه وبيدفعلها فلوس
اما البنات دي بقت بكلمتين في الهوا .....هب تلاقيها لضمت معاك
اسيبكوا بقى مع الموضوع واروح اشوفلي حآجه اعملها
***************
عاوزين نشوف رأى البنات والاولاد فى الموضوع دة وازاى البنت تقدر تغير نظرة الولد ليها .
