بسم الله الرحمن الرحيم
.....السلام عليكم ورحمه الله وبركاته.....
اصحابى فى الديفيدى......!!
بعد طول انتظااااااااااااار........
وبعد النجاح المبهر ومنقطع النظير لالبوم اعضاء الترفيه..(ياحلولى يا حلولى...دا ايه الفصاحه اللى انا فيها دى).....هنبدا النهارده ان شاء الله حلقات جديده ومتجدده بعنوان( فاشلين اكاديمى).....ويارب تعجبكم.......
والاول احب اعرفكم بابطال حلقاتنا.. وهما:
1. صفاء......(ام اسماعيل)..
2. محمد 555557....(شبراويشى)..
3. كالابالا....(كابو)..
4. مريم....(برقوقه القزعه)...
5. جاجور....(جيمى)....(سامعك ياض ياللى بتقول اشمعنى هوه؟...انا اللى كاتبها وانا حر بقه!!)....
.....السلام عليكم ورحمه الله وبركاته.....
اصحابى فى الديفيدى......!!بعد طول انتظااااااااااااار........
وبعد النجاح المبهر ومنقطع النظير لالبوم اعضاء الترفيه..(ياحلولى يا حلولى...دا ايه الفصاحه اللى انا فيها دى).....هنبدا النهارده ان شاء الله حلقات جديده ومتجدده بعنوان( فاشلين اكاديمى).....ويارب تعجبكم.......
والاول احب اعرفكم بابطال حلقاتنا.. وهما:
1. صفاء......(ام اسماعيل)..
2. محمد 555557....(شبراويشى)..
3. كالابالا....(كابو)..
4. مريم....(برقوقه القزعه)...
5. جاجور....(جيمى)....(سامعك ياض ياللى بتقول اشمعنى هوه؟...انا اللى كاتبها وانا حر بقه!!)....
......................الحلقه الاولى......................تبدا احداثنا من اول يوم فى الدراسه وبالاخص من مدرسه الاورمان الثانويه الخاصه( مشتركه)...وياجماله اول يوم فى الدراسه!....كل الطلبه بيبقوا لابسين الحته الزفره اللى عالحبل....والكوتشى الجديد (توكيل التوحيد والنور)...ومننساش الحمومه (الزياده) طبعا..(غير بتاعت العيد الكبير)...يعنى كله اخر السطه....وفى ارض الطابور وقف الطلاب عشان زى مانتوا عارفيين المدير يصدعهم بالكلمتين بتوع اول السنه دول...وتحيه العلم...والاذاعه اللى مش بنسمع منها حاجه اساسا.....
المهم...وبالتحديد فى فصل اولى عاشر....كان مكان ابطال قصتنا...وواقفين كلهم فى الطابور كل واحد فى حاله طبعا...طبيعى اول يوم ومحدش لسه عرف حد....ومدرس الالعاب عمال يظبط الطوابير...اقف عدل يازفت....بطلى كلام يا هبله...وكده...
وبالفعل دقائق وبدأ الطابور...والمديره من اول دقيقه عماله تلقى خطبه (عصماء)...وتقريبا كده كل العيال مصدرين الطارشه ومنفضينلها عاالاخر....
وفى اخر الصف كانت بطلتنا مريم عماله تشب لانها يعينى مش شايفه اى حاجه خالص(اكيد عارفين ليه؟..هيا يادوب شبر واقطع!)...وكان جاجور هوه اللى قدامها وماشاء الله اطول منها بكتير...فاحاجب عنها الرؤيه تماما..لحد ما زهقت بطلتنا قامت خبطت (برقه ليس لها مثيل) على كتف جاجور...قائله :بعد اذنك يا كابتن ممكن تستاخر يمين او شمال عشان عايزه اتفرج!...فنظر اليها جاجور بقرف:نعم؟هوه احنا قاعدين فى سينما ولا ايه؟ وبعدين تتفرجى على ايه؟...ماتسمعى وانتى ساكته وخلاص....فقالت له مريم (بغيظ):دا ايه قله الذوق دى؟انا كلمتك بالراحه...وبعدين انا عايزه اشوف المديره بتاعتنا .انت مالك انت؟..فقال لها جاجور:هتشوفيها كتير ماتقلقيش..دا طبعا لما تطردى بره الفصل..انا حاسس بكده ...ههههههه...فنظرت اليه دون ابتسامه..قائله بسخريه:ههه...خفه...محدش قالك ان انت خفيف قبل كده...فرد عليها بطلنا بثقه:لا كتير قالولى عالموضوع ده..بس مكنتش متاكد...
ودون رد...وجدت مريم ان التفاهم معاه مش هينفع...ففضلت انها تسكت احسن بدل ما تعمل مشكله من اولها..او تعور حد (بلطجيه من يومك يابت)...وهنا قالت صفاء:بعد اذنكم يا جماعه عايزين نسمع الست دى بتقول ايه؟(انتى فاكره نفسك بتسمعى ام كلثوم ؟) انتوا عمالين تتكلموا ومشوشرين عليا خالص..فقال لها جاجور...ياسلام!..يعنى سايبه الناس دى كلها وجايه تكلمينا احنا...حاجه غريبه اوى...فقالت له صفاء:انا ماليش دعوه انتوا اللى ورايا ..وبعدين اتكلم عدل ياض بدل ما ميحصلكش طيب...فرد عليها جيمى:لا لا مينفعش كده ما تيجى تاخدينى قلمين احسن....!وقطع هذا الحوار العاطفى. صوت المدرس:انت يا حيوان اللى بتتكلم انت...فالتفت جيمى الى مريم قائلا:كلمى فى حد بينادى عليكى يا انسه..فنظرت اليه مريم (شذرا) وقالت:اظن انه قال حيوان...يعنى يقصد ولد...فنظر اليها وهو يقول:مبقتش تفرق كتير الايام دى...بنات اليومين دول ارجل مننا بصراحه....ثم تابع وبعدين بذمتك كده ده منظر بنت اصلا؟!...انتى جايه مدرسه ولا رايحه الجيش!....فقالت له(وهيا بتجز على سنانها) :بيتهيالى مالكش دعوة ..دا انت غلس اوى...وهنا تدخل كالابالا فى الحوار قائلا:ياجماعه هدوا نفسكوا شويه...داحنا لسه اول يوم والمفروض اننا نتعرف على بعض وكده..مش نتخانقززالترم التانى ابقوا اعملوا اللى انتوا عايزينه..انشاله تتضربوا بعض بال(تييييييييت)(ايه ياوله العقل ده)....وشبراويشى طبعا لازم يرميله كلمتين عالماشى كده... قام داخل فى الحوار قائلا:صح يا جدعان...الراجل ده بيتكلم صح.....وبعدين صفاء دى جارتى يا جماعه..انا اه مش بعبرها عندنا فى العماره بس برضه.....
طاااااااااخ...هوى المدرس بطقم شلاليت معتبر على ابطالنا....قائلا:انت ياض انت وهوه وهيا...انا مش عمال أقولكوا اسكتوا من الصبح....لازم اهزقكوا واضربكوا يعنى....
ودون رد.. فضل ابطالنا السكوت (مؤقتا)...فالتفت جاجور الى مريم قائلا:ماااشى لينا فصل نتحاسب فيه...اما نطلع بس...فقالت مريم(وهيا بتطلع لسانها زى العيال):ورينى هتعمل ايه؟...
وبالفعل انتهى الطابور بسلام ....وصعد كل الطلاب على فصولهم...وكذلك ابطالنا...وزى مانتوا عاررفيين حركات الاطفال اياها ..جريوا كلهم على الفصل كل واحد عايز يلحق مكان فى الاول...(قال يعنى المذاكره مقطعه بعضها اوى)...
ودخل ابطالنا الفصل وكانت المفاجاه.....
لقى ابطال قصتنا العيال ماليين كل الاماكن الاولانيه على عينها...فقال كالابالا باستغراب:هيا الناس دى كانت بايته هنا من امبارح ولا ايه؟...انت طلعتوا امتى يا جدعان...؟!
ولكن للاسف محدش عبره خالص!....فتابع قائلا:وكمان مبتسموش..لا حول ولا قوه الا بالله...وقرر كابو انه يستسلم ويرجع ورا وخلاص....وتبعه جاجور وشبراويشى ...وكان للحظ هما ديسكين فاضيين بس فى الاخر...فجلس كابو وشبراويشى وجيمى فى واحد...وسابو التانى لمريم وصفاء...وكان شبراويشى معترض حبتين عالموضوع ده..وعمال يقول :اشمعنى هما اتنين وقاعدين مرتاحين كده...واحنا مزنوقين ولا كاننا فى اتوبيس 913....فقال له كابو:امال نقعد ازاى يا فالح؟...قسمها انت وورينا!...فرد شبراويشى وهو يبتسم ببلاهه:ممكن انا اقعد جمب صفاء..دى جارتى واتصرفوا انتوا التلاته بقه..فقاطعته صفاء:نعم ياخويا؟ انت بتهزر ياض انت...لا! مش عشان انت جارنا تفتكر نفسك خلاص ممكن تقعد جمبى...وقاطعتها مريم:وانا كمان ازاى اقعد جمب ولدين...دا ايه ده انتوا معندكوش نظر ولا ايه؟...فقال جاجور لشبراويشى:على فكره البت دى كده غلطت فيك وبقى شكلك وحش اوىىىى قدام الزملا...ثم تابع ثم مين قالك اننا هنسيبك تقعدى جنبنا...انتى هتفرشى هنا عالارض وعيشى حياتك مع نفسك...فقال شبراويشى:وكمان صحيح انتى بتغلطى فيا ولا ايه؟...كده هتزعلى وتجيبى ناس تزعل على فكره...فقالت له مريم:انت اتعديت من الافندى اللى جمبك ده لا ايه؟ وبعدين انا اقعد عالارض...لا لا ذوق ذوق الصراحه...فالتفت اليها جاجور:انتى على فكره شكلك كده مش هتجيبيها لبر معايا...وانا متهور..وممكن اضرب حد النهارده...فقالت له( باستهزاء):العب بعيد يا واد انت....انت بؤ عالفاضى بجد...
فنظر اليها جيمى( بنص عين) كده...انا اللى بؤ برضه؟...عالعموم (ياللى العز مش ليك.. روح اغسل رجليك.... ولا الحوض عالى عليك)...انا يابنتى وانا واقف ممكن اسند على راسك...انتى بتتكلمى فى ايه..؟! فبلاش انا احسنلك....
فقاطعتهم صفاء وهى( تزمجر) قائله:يا مصبر الوحش عالجحش....! انتوا مش هتبطلو انتو الاتنين بقه...صدعتونى بصراحه.......!
وقطع هذا الحوار الملئ بالرومانسيه.... دخول المدرس.....وبدايه الحصه الاولى......ومر اليوم الاول كالعاده بطيئا على كل الطلبه...وبدا شبراويشى وجيمى وكابو فى التعارف...(زمايل تخته بقه)...وكذلك صفاء ومريم نفس الحكايه........وبدات من هنا علاقة صداقه بين ابطالنا وبدات تقوى شيئا فشيئا...........
