انا لو اذيته كان عملى زياده عن كده ايه
بالعكس عمرى ماخدت منه نص اللى انا بديه
كان عايز ايه موتنى يعنى يرتاح وانا مجروح
دة مشافش غير حنيه منى مشافش غير الخير
وانا لو قاتله حد اسهل من كدة بكتير
خايف ليعرف قيمة اللى فى ايده لما يروح
*************************
عموما يلا مش فارقه ومش خسران
عشان اعرف دة دلوقتى انا الكسبان
دة من بدرى يريحنى وانا بنساه
ومش يمكن لو انا كملت اعيش ندمان
*************************
لو غلطه منى مين يقولى انا طب غلطت فى ايه
طبيعي لما تحب حد تكون مآمن ليه
قصر الكلام هيفيد بايه خلاص كلامى عليه
زمانه رتب كل حاجه وعاش حياته خلاص
مش فارقه عنده اى عشره بينا ولا احساس
وانا مش هوقف يوم حياتى الدنيا مليانه ناس
*************************
عموما يلا مش فارقه ومش خسران
عشان اعرف دة دلوقتى انا الكسبان
دة من بدرى يريحنى وانا بنساه
ومش يمكن لو انا كملت اعيش ندمان
