حززززززززززب الي عايزة تخش تتفضل وياريت ياض ياميدو تثبته

الموضوع ده بقى عشان بدايه الحرب على الولد
قررت اعمل عليهم حرب وكل بنات المنتدى هيشجعونى
طبعا والبدايه هتكون بالاسطوانه المشروخه اللى بتلف على
لسان كل شاب نفس الكلام نفس الاسلوب مش بتتغير
بس كلكوا طبعا كدب وهنثبت وورينى هيعترضوا
ازاى بقى هههههههههههه
1- حبيبتى عارفه والله انا مش بتاع حركات الشباب مش بكلم بنات
اصلا ولا بحب الحركات دى اصلا...
((دى اول القصيده طبعا والباشا اصلا يعرف نص بنات العالم))
2-مش عارف ياحبيبتى حاسس انى اعرفك من زماان...
((طبعا شوفتها فى الحلم صح ولا شكلها كده فيها شبه من 40 واحده
عرفتها قبلها ))
3-حبيبتى حاسس انك مش زى كل البنات حاسس انك مختلفه
عنهم...
((ليه هى فوق راسها ريشه ولا من كوكب تانى مثلا يعنى))
4-حبيبتى حاسس ان فى حاجات كتير انا وانتى متشابهين فيها....
((سبحان الله اخوها فى الاسلام لازم يكون فى شبه هههههه))
5-ياريتنى ياحبيبتى عرفتك من زمان كنت عرفت طريقى من زمان
من وقتها....
((معلش بقى اصل كان عندوا زحمه على اساس انوا ظابط مرور بقى
او مكنش فاضى من كتر البنات الجدول كان مليان بقى))
6-حبيبتى انتى بس تؤمرنى وانا انفذ دا يوم سعدى....
((دا اكيد فى الاحلام هيخلع فى الاخر))
7-حبيبتى صباعك مكشوف ياريت تخبيه بمنديل ولا حاجه اصلى
بغير عليكى مووت...
((ياحرام الغيره حرقت قلبك اوى صعبت عليا ))
8-نفسى اى اخطبك النهارده قبل بكره بس اعمل ايه انتى عارفه
ظروفى ولازم اكون نفسى...
((ياسلام لازم تكون نفسك مانت شغال فسح وفساتين وفلوس
طالعه ومفيش حاه داخله يبقى هتكون نفسك ازاى ولا هى عند
الجاد وهتكون نفسك ولا بتخلع بالذوق يامان))
9-نفسى ياحبيبتى اشوفك دلوقتى حاسس ان الدنيا كلها ضلمه وانتى
هتنوريها....
((تلقى الباشا متراهن مع اصحابه انك حلوه وعايز ياكد ليهم
الكلام ده ))
10-حبيبتى انتى عارفه لما حبيتك حبيتك من قلبى بجد....
((قلبك


تيب عشان خطرى قولها بقى اى قلب فيهم القلب اللى فى سوسو
ولا ميامى ولا توتو ولا انهى قلب بقى))
11-هى تقولوا بقى علاقت بيك مفيش حد يعرفها خالص لانها من
خصوصياتى ...
((ولكن طبعا الباشا اخواتها يعرفوا وبابها ومامتها دول مش اى حد
هيوديكى فى دهيه من الاخر هههههه))
12-لما بشوف رقمك او اسمك على الموبايل قلبى بيطير من مكانه
من كتر الفرحه....
((لا قصدوا يقولك ان عقلوا بيتجنن من التفكير دى هايدى ولا سحر
ولا ندا ولا مين من كتر ارقام البنات يحرم يحرم))
13-حبيبتى نفسى تديلى صوره ليكى عشان قبل ماانام اشوفها واحطها
تحت راسى وانام احلم بيك....
((دا عايزها طبعا عشان لما يزهق منك يلاقى سلاح فى ايده يهددك
بيه وطبعا مافيش غير الصوره ))
14-عارفه ياحبيبتى البنات بتجرى ورايا عشان ياخدوا رقمى بس انا
معاكى انتى وبس....
((طبعا بقى ترتيب الجمله الصح انا بجرى ورا البنات عشان يدولى
رقمهم وشويه وهبوس ايديهم وانتى الوحيده اللى بتعبرينى يعنى))
15-حبى انا امبارح منمتش خالص فضلت طول الليل افكر فيكى
انتى سرقتى قلبى وعقلى وروحى ودلوقتى النوم سرقتيها منى كمان....
((طبعا تلاقيه والله نايم من المغرب ونام وشبع نوم ولا فى دماغه
حد ومنمش طول الليل يحرم))
16- حياتى كل لما ادخل على الايميل بفضل مستنيكى عشان اكلمك لانك
انتى الوحيده اللى عندى على الميل والله....
((والله بقى انى الحقيقه فى الامر ده يابنات مش كده ان الباشا عاملك بلوك وضايف بنات كتير وكلهم عاملهم بلوك ويعقد بقى يفك البلوك عن
واحده بس ويعقد يكلمها لحد ميزهق يعملها بلوك ويدور على غيرها))
شوفتوا يابنات صحيح ياما تحت السواهى دواهى
او يفضل يتمسكن لحد ميتمكن هو ده بقى اللى بيعملوا وبيقلوا الشباب
يلا اى خدمه ياشباب دى البدايه انتظروا الضربه الجايه




طبعا شديني بما ان قولت نعمل حزب عن الشباب وانا الرئيسة

عايزين نائبة

طبعا هانقول شعارات
ونجيب صور للحزب
اممممممممممممممم
ونصمم صور للحزب

اولا القوانين

1 يجب الدخول يوميا الى الحزب
2 لازم يبقا فيه كتير بنات
3 ولازم تكتبه في التوقيع اي شعار للحزب
4 وتحطه صورة كمان للحزب
5 بذات النائبة بتاعتي




البينات

الاسم
اللقب
العمر
البلد

المهنة الي هيا عايزاها

نسيت اقول المهن

نائبة للرئيسة الي هيا انا

عضوة

منظمة للحزب

هايبقو 10 مزنظمين للحزب
و 5 نائبين

ورئيسة معايا بس اانا الي هاختراها وكمان انا كل الي عليا هاوافق على المهنة الي انتو عايزنها ولا لاء

بسسسسسسسسسسسس

كده يارب نكون حزب كبيييييييييير
وكل يوم نتريق على كلام الشباب



سلام حاير طاير لاحلى بنات

نسيت اقولكم انا شفت موضوع زي ده كده في احدى المنتديات بس ايييييه 158 صفحة

احنا عايزين اكتر