.gif)
اولا
مساء الخير
ثانيا
موضوع متقفش لواحده فى المترو
فكرني بموقف حصل حقيقي في مترو الانفاق
حصل بكل عفويه و تلقائيه غير طبيعية..نركز مع بعض شوية علشان نتخيل شكل الموقف
واحد واقف مع واحده في انتظار المترو و الاستاذه لابسه لبس اقل ما يوصف زي ما عادل امام قال اخضر و باستيك
من فوق يعني لابسه و مش لابسه (و لاصحاب الخيال الضعيف لابسه لبس عريان علي الاخر)
المهم ... جه المترو ..ركبو...مفيش كراسي فاضيه و مكنش في وقت المترو فيه زحمه اوي المهم
واقفين في المترو و المترو زي ما الكل عارف هزاز علي الاخر و هزاته كانت عامله شووووو مع لبس الاستاذه و ....و الباقي انتو بقي عارفين
و مع تركيز كل البشر الي واقفين في المترو مع الشووووووو الي بيحصل و مره واحده انفجرت القنبله.....
بجد و الله قنبله بس مش قنبلة بارود لاااااا ...
واحد قاعد في اخر العربيه كان بقرأ قرآن و راجل كبير يا جماعة قفل المصحف و قايم بيوسع في الناس
و رايحلهم بقي و شوفو رد الفعل بجد الي كله بساطه و تلقائيه الراجل جه جمب الاستاذه و الافندي الي واقفه معاه
و ابتدي بجد يلف حوليها و يبص من فوق لتحت مش بتهريج
لا بجدعارفين لما البنت الي بتتفرج علي فستان علي مانيكان....
ببساطه واحد بيقلب في بضاعة بمعني الكلمه ...
و الحوار بقي كان كلاتي...
الحوار
الاستاذه: ( بضيق شديد و قرف) في ايه يابتاع انت ايه الي انت بتعمله ده
الافندي : ايه يا عم انت انت بتعمل ايه
الراجل مستمر
الافندي: انت يا بتاع انت.. مع الزق الخفيف للتنبيه
الراجل : و بكل بساطه و بصوت هاااادي
في ايه انت زعلان ليه و مدايق اوي كده ليه
انت مش منزلها بللبس ده علشان الناس تتفرج علي لبسها و عليها
و ابتدي صوت الراجل يبقي صااااارم جداااا
و ملامح وشه بتتحول من البساطه لوش صاااارم لاقصي درجه
و بيكمل و هو بيقول مش منزلها علشان الناس تتفرج انا يااااخي بتفرج فيه ايه بتفرج
و لا انت يعني فاكر ان كل الي وقفين دول معملوش الي انا عملتو ده
و هو كل واحد واقف في مكانه و انت قال عامل مش واخد بالك منهم و معجب اوي بنظراتهم الي بتنهش فيها
و انتي .. شايفاهم و لا لااااااا و معجبه اوي بنظراتهم..صح و لا لاااا
قال الكلام ده بكل حزم و صرامه و في زهول كل الناس الي الي مكنش في حد فيهم بيهمس ......
تخيلو شكلها ايه دلوقت و لا الي معاها ده...
بكل بساطه جت المحطه الي بعدها الافندي خد الاستاذه و نزلو بجد ما بيبصوش لحد كانو واقفين نفسهم الارض تنشق و تبلعهم
عملو ده من غير كلمه رد علي الراجل الكبير ده...
الموقف خلص و خلص كلامي معاه
و هسيبلكم انتو التعليق
موقف الاستاذه
موقف الافندي
و اخيرا موقف الراجل العجوز
مع العلم انها مش بنت صغيره
و لا الافندي كان شاب صغير
كانو متوسطين الاعمار
تحياتى
