أنا النهاردة جايبلكم لعبة أونلاين بس مش زى أى لعبة تانية , دى لعبة مهما لعبتها متزهقش منها و فى نفس الوقت مش مملة
اللعبة اسمها
Gunz The Duel
اللعبة هى تنتمى للألعاب MMORPG الى هى الألعاب الأونلاين
العبة عبارة عن لعبة قتالية بالدرجة الأولى فيها قتال بالرشاشات و المسدسات و البنادق الآلية و المدافع الى هى (Ranged weapon) و القنابل وو فى نفس الوقت القتال بالأسلحة القديمة زى السيف و الخنجر و السيفين
و برضوا بتعتمد على نظام الليفلات و كل ما تعلى فى الليفل تلبس هدوم أعلى و تمسك اسلحة أقوى و تتفتحلك أراضى جديدةمكنتش تعرف تلعب فيها قبل كده
و التلفيل فيها بطريقتين الأولى هى بدخول الquests المهمات
و المهمات هى عبارة عن جيم بيشترك فيه 4 لاعبين و بيخشو يقتلو وحوش و كائنات غريبة و كل مهمة بتتكون من عدد من الرومات كل روم أصعب من الى قبله و كل ما تعدى روم بتاخد كمية معينة من الXP و فى الآخر بتاخد Bounty و quest items
الBounty دى هى الفلوس فى اللعبة و الquest items دى هنتكلم عنها بعدين
الطريقة التانية هى عن طريق القتل اه القتل متستغربش
القتل هنا هو الطريقة الشائعة فى التلفيل لإنك لما تقتل بنى آدم تاخد XP على حسب لفله , يعنى مثلا لو هو أعلى منك فى اللفل تاخد XP متضاعف و لو اقل منك تاخد نص الXP الى أنت متوعد تاخده لما تقتل واحد فى لفلك
تالت حاجة أحب اوضحها هى أنواع الجيمات
أى جيم يستوعب حد أقصى من اللاعبين و هو 16 لاعب و على اللأقل 4
فى نوع من الجيم كله بيضرب فى كله و اسمه death match و بيبقى ليه وقت بيحدده المضيف الى عمل creat للجيم
فى team death match و ده بيبقى عبارة عن فريقين فريق أحمر و فريق أزرق الفريقين بينزلوا ضد بعضهم و بيقتلو بعضهم لحد ما يتبقى فريق واحد فى الأرض و الى يتبقى هو الى يكسب الجولة و الى يكسب فى الآخر هو الى يكسب الجولات كلها يكسب فى الآخر و يتم إعلان النتيجة و برضو المضيف هو الى بيحدد عدد الجولات
آخر نوع هو ال Gladiator و ده جيم ليه وقت بس الى بيميزه عن أى جيم إن الأسلحة الى بتستخدمها فيه هى الأسلحة القديمة بس (melee wepon) يعنى عراك على الطريقة القديمة
و دلوقتى أحب أوضح فكرتى عن الclan
الclan هى حاجة زى العصابة أو الGuild و دى مينفعش ينضم ليها ناس إلا بعد لفل 13 و لو حبيت تعمل clan لازم يبقى معاك 4 شركاء و يبقى معاك 2000 Bounty
و دى جزئ ممتع جدا من اللعبة لإن دى ليها سيرفرات كاملة مخصصة للحروب بين الClans و دى بيبقى لها متعة خاصة لإنك بتحارب مع أفراد عصابتك ضد عصابة تانية
دلوقتى أفتكر إنى إديت فكرة مبسطة عن اللعبة فيلا بينا للخطوة التانية
دلوقتى هنقول إزاى نعمل أكونت
الخطوات
1-بعد كتابة الاسم و الأيميل لازم تدوس على check avaiblity للتأكد من إن الاسم صالح و الأيميل برضه لحد ما يقولك إن الاسم متاح و الايميل
2- الباسورد لازم يكون من 6-20 رقم و لازم يكون يحتوى على أرقام و حروف عشان يكون صالح
3-السن لازم يكون أكبر من 18 سنة عشان ميوجعش دماغك بكلام ملوش لازمة يعنى على سبيل المثال خلى سنة الميلاد 1985 و متتعبش نفسك بالعد
4-دوس على Next هتظهرلك الصفحة دى
هتملأ البيانات برضه لكن لازم برضه تاخد بالك من شوية حاجات
1-الأسم لازم يكون مجموع الحروف فى الخانات ال3 اقى من 20
2- الأيميل الى هتكتبه نفس الأيميل الى انت كتبته قبل كده
3- السن هو هو نفس السن الى انت كتبته قبل كده
5-دوس supmit هتطلعلك الرسالة دى
و هى بتقولك إن فى رسالة اتبعتت على الأيميل الى انت كتبته فيها رابط لتفعيل الأكونت
6-هتفتح الأيميل الى انت كتبته و هتلاقى الرسالة اتبعتت هتفتحها و هتلاقى جواها الرابط الى باللون البرتقانى ده
7- هتظهرلك الرسالة دى بعد ما تدوس على الرابط و دى بتقولك إنه تم تفعيل الرابط بنجاح و مبروك
بكده أنا شرحت كيفية عمل الأكونت و تفعيله
دلوقتى ننزل اللعبة
أما الclient بتاع اللعبة هتلاقيه برابط مباشر على اربع سيرفرات
اضغط هنا
او اضغط هنا
او اضغط هنا
او اضغط هنا
و التورنت من هنا و اللعبة مساحتها 200 ميجا
أما الى بيستخدموا متصفح mozila firefox فلازم ينزلوا البرنامج ده
بعد تنزيل اللعبة و تنصيبها بنجاح هتلاقى علامة اللعبة عندك على الDeskTop هتدوس عليها هتتفتح الصفحة بتاعة اللعبة أعمل login عادى خالص
و بعدين دوس على Play Life
هتلاقى الgame lancer اشتغلت سيبها تعمل ابديت و دوس Start Game هتخش فى اللعبة و هتلاقى ادامك القائمتين دول
و دول هما قائمة السيرفرات
معلومة ((الشخصيات الى انت بتعملها واحدة فى كل السيرفرات))
اختر سيرفر يكون مش مليان أوى ولا يكون صحراء مفهوش ولا بنى آدم
هتتطلعلك رسالة بتقولك إنك معندكش شخصية تلعب بيها و بتقولك إنك لازم تعمل واحدة
مفيش مشاكل دوس على كلمة creat
و هيطلعلك الصفحة بتاعة الcreat و دى أنت بتختار منها اسم الشخصية و شكل الشعر و شكل الوش و نوع السلاح الى انت هتمسكه فى ايدك
بعد ما تعمل الشخصية دوس على الاسم مرتين أو دوس مرة واحدة و بعدين Select عشان تخش القنوات
كل سيرفر متقسم لمجموعة من القنوات كل قناة معمولة لحد معين من الليفلات يعنى مثلا أول قناة من لفل (1-5) تانى قناة من لفل (5-11) و هكذا
لكن فى استثناء بسيط و هو إن فى 6 قنوات مفتوحين فى الفل free chanalls و دول ينفع أى حد من لفل 1-إلخ يخش فيهم
لما تخش القناة الى انت اخترتها هتلاقى الجيمات ادامك تختار الجيم و تدوس join لو الجيم بدأ هتلاقى مكتوب Enter و ساعتها هتخش تلعب علطول لكن لو لقيته كاتبلك Ready يبقى ده معناه إن لسة الجيم مبدأش و إنك أنت عليك أنك تدوس Ready عشان المضيف يقدر يبدأ اللعبة
هتنزل فى الأرض عادى خالص و هتلاقى كله بيضرب فى كله و كله عمال ينط و يهرب و انت مش هيبقى مطلوب منك إلا إنك تجاريهم فى اللعب
دلوقتى التحكم
صورة أزرار التحكم هى كلآتى
والى مفهمش الى فوق يقرأ هنا
الshift بيصد لو كنت شايل melee weapon زى السيف أو الخنجر
الإتجاهات واضحة على ما أظن
الأزرا من F1 إلخ دى عبارة عن أوامر حركية زى التحيات و الضحك و الإستهزاء Emotions
و الأزرار من 1-5 دى الأسلحة الى معاك أو ممكن البلية بتاعة الماوس بدل وجع الدماغ ده (إختار الى يريحك)
دلوقتى الكنترول الى مش مكتوب الى هو الحركة السريعة و دى بتتحركها عن طريق الضغط على الإتجاه الى انت عايز تتحرك فيه مرتين و بسرعة هتلاقيه راح ناطط فى الإتجاه الى انت ضغط عليه لكن لو كنت شايل سلاح زى السيف هتلاقيه راح متحرك زى ما يكون بيجرى
النط من المسطرة و الTab بيوريك الGame state
الأيتم فى اللعبة
مبنزلش Drop دايما عشان كده فى الغالب لازم تشتريها أنت من رصيدك الى هو الBounty و كل 5 لفلات تقريبا بتغير الأيتم الى أنت لابسها و الأسلحة الى أنت بتستخدمها
الهدوم الى بيحدد جودتها هما حاجتين الAP , HP الى بتزودهملك و الAP:Armor Point و HP:Health Point
و السلاح بيحدد جودته حاجتين الDamege و الDelay الDamage ده هو قوة السلاح فى إحداث الأضرار بالى بيضربه أما الDelay فده عبارة عن المدة الى السلاح بيستغرقها عشان الخزنة بتاعة السلاح تفضى من الرصاص لو أنت فضلت تضرب من غير ما تفصل و دى كترها ممكن تكون ميزة بالنسبة للسلاح أحيانا لو الى بيضرب أيده مش متعودة على الحركة السريعة بالماوس و قلتها ميزة للى أيده سريعة فى التعامل مع الماوس
آخر حاجة هى الQuest Items و دى حاجات انت بتحرقها عشان تدخل Quest أفضل من الQuest العادى ((معلومة-الQuest items مينفعش تستخدمها إلا بعد لفل 13))
أفتكر كده أنا مسبتش خرم إبرة إلا و قلته و أنتو كده مستعدين عشان تلعبو Gunz و الحكاية مجرد مسألة وقت لحد ما تتعود على نظام اللعبة و تبقى محترف
أرجو تثبيت الموضوع ولو لفترة قصيرة لكى يتاح المجال للجميع للتعرف على اللعبة بشكل جيد
شكرا لحسن إستماعكم و فى إنتظار أى إستفسارات عن اللعبة و شكرا
__________________
رمضان خلص يا رجالة
استعدوا لرمضان الى جى 
