سؤال فى الحب لو كنت بتحب او حبيت او لسه هتحب

لا طبعا مش هثور عليه ولا هتكلم اصلا ولا حتى هعاتبه لانه اكيد مش هيستاهل انى اعاتبه
وكمان اعاتبه ليه ولا على ايه لانه اصلا محبنيش ومش هقوله انا عملت معاك كزا وكزا ولا هقول انا حبيتك اد ايه ولا كل الكلام دة
لانه فعلا مش هيستاهل انى اتكلم معاه تانى واكيد هبعد من غير عتاب وكل واحد يشوف طريقه

لو انت بتحب حد اوووووووى وبتعمل كل حاجة عشان تسعده بس مش عارف وهو خلاص زهق منك
وانت بردو مش عارفه تسعده ازاى وبردو مش هتقدر تبعد عنه ولا تعيش من غيره هتعمل ايه
هتسيبه يعيش حياته بعيد عنك يمكن يكون مبسوط وهو بعيد ولا هتعمل ايه؟

اولا انا مش موافقاكى يا جومانا
انا لازم اعتبه واخليه يندم انه عيشنى دة كله فى وهم هو مش انتقام بس لازم اخد حقى ازاى عشت كل الوقت دة فى حلم وصحيت منه ازاى بعد ماعملت علشانه كل حاجة ولما يجى يسبنى يبقي بسهولة دى

لو انت بتحب حد اوووووووى وبتعمل كل حاجة عشان تسعده بس مش عارف وهو خلاص زهق منك
وانت بردو مش عارفه تسعده ازاى وبردو مش هتقدر تبعد عنه ولا تعيش من غيره هتعمل ايه
هتسيبه يعيش حياته بعيد عنك يمكن يكون مبسوط وهو بعيد ولا هتعمل ايه؟

انا لو بحبه احاول اخليه يحبنى بس لو مافيش امل فى دة او مش حاسس بالحب دة لازم اسيبه بعيد عنى على الاقل ماتعبش انا واكيد انا هلاقى الانسان اللى هيستحق الحب دة وهو هلاقى الانسانة اللى هتفهمه وتحبه وطبعا مش هلومه على انه ماداش نفسه فرصة يحبنى

سؤالى بقي

لو بحتحب حد وهو كمان بيحبك بس الظروف فرقتكم عن بعض لو حب يرجع تانى هتوافقى ترجعى ؟ السؤال دة للبنات
اما للولاد لو هى رفضت ترجع هتعمل اية ؟

اه هوافق ارجع طبعا علشان احنا الاتنين كنا بنحب بعض ومازلنا بس الظروف كانت اقوى مننا
ومادام الظروف اتحسنت يبقى خلاص انا موافقه ارجعله لانى اكيد هكون لسه بحبه ويمكن كمان اكتر من الاول

سؤالى انا : هتعمل ايه لو اكتشفت ان حبيبك عامل ادامك انه بيحبك وبيموت فيك ومن وراك بيلعب بديله وبيعمل كل حاجة هو عاوزها وانت متعرفش بس هو بردو بيحبك وبيعمل كل حاجة بس بيرجعلك انت بردو هيكون ايه رد فعلك؟

لو هو بيحبنى بجد مش هيزعلنى وليه هيلعب بديله والمفروض انا دورى انى اخليه يتغير ويفضل معايا وبس

سؤالى ليه الجرح بيبقي اقوى وبينتصر على الحب ؟

علشان لما تتجرحى من حد بتحبيه بتكرهى اصلا انك حبيتيه
لانك مبتتوقعيش منه الجرح دة بعد ماحبيتيه وامنتيله
لما بتتجرحى بتحسي ان الدنيا دى كلها بجد مالهاش امان وان صعب انك تلاقى حد بيحب بجد من قلبه
وبتقولى لنفسك انا ليه حبيته اوى كدة من قلبي واخلصتله وعملت كل حاجة عشانه وهو محبنيش
عشان كدة الجرح بينسيكي الحب وبينسيكي اى حاجة لانه اقوى من اى حاجة عليكي او من اى حاجة ممكن تحصلك
اقوى من الحب نفسه

سؤالى ليه لما الولد يكون بيحب واحدة وتغلط غلط صغير مش بيسامحها وهو لما بيغلط هى بتسامح وتغفر وليه ديما حب البنت اقوى بكتير من حب الولد؟

علشان النت احن من الولد وحبها بيبقي اقوى منه
بجد البنت بتبقي فاكرها حاجات اكتر من الولد وهى القلب الكبير هى اللى بتستحمل وتسامح
لكن الولد من طبعه قاسى وقوى
اما الغلط هو بيسامح بس بعد صعوبة وساعات يفضل شايلهلها على طول لكن ل بيحب بجد هيسامح

سؤالى ليه الولد بيفضل البعد بدل المواجهة والتضحى ويبقي سهل عليه انه يسيب حبيبته صحيح بيبقي فاكرها وعايزاها بس بيفضل البعد ؟

فى الحاله دى ما يكونش حب بجد او شخصيته كده مش بيحب المواجهه


تعمل ايه لو مش عارف ترضى حبيبتك تقرب منها تبقى مخنوقه تبعد عنها تبقى مخنوقه
لو سكت ما اتكلمتش تقولك انت مخنوق منى ومدايق منى لو اتكلمت تقولك انت مدايق وانت فعلا مدايق بس عشان التشاؤم الى

هى فيه على طول

وعلى طول محسساك انها مخنوقه ومدايقه وكل ما تتقابلو تبقو زعلانين وتعمل اى حاجه تزعلك ومش عارف ترضيها ازااااااااااااااى

المفروض انك تقرب منها وتحاولوا انكوا تفهموا بعض اكتر وتعرف ايه سبب خنقتها وتساعدها
وانت بتقول انها على طول فى تشاؤم حاول انك تخرجها من التشاؤم دة لانك بتحبها وهى لو بتحبك هتعمل المستحيل عشان ترضيك
مش هقولك تبعد لان البعد مش بيحل ولا بيربط انما خير الامور الوسط ولازم تحل كل حاجة بهدوء عشان المركب تمشي

سؤالى هو تعمل ايه لو اكتشفت ان حبيبك انانى يعنى بيحب نفسه اكتر بيحب يعمل كل حاجة تبسطه وترضيه هو حتى لو الحاجة دى هتدايقك بردو بيعملها عشان يرضي نفسه وبس؟؟

اتكلم معاه بالهدوء واشوف ليه بيعمل كده واحسسه انى زعلان ومدايق من الانانيه دى


تعمل ايه لو حبيبك اقنعتو بكل الطرق انه يخرج من الى هو فيه وقولتله انا معاك على طووووول ومش هابعد عنك وهو على طول معيشك فى جو نكد ومحسسك ان الدنيا سوده فى وشه وكل ما تقرب منه وتبقى جنييييه تبقى على طول متشائم ومدايق عشان التشاؤم الى هو فيه لان طبيعته كده

الحب بيخلى اى حد يستحمل حبيبه مهما كان واكيد التشاؤم اللى هو فيه ليه سبب
ومش كفايه انى اقوله انى معاه وجنبه على طول بالكلام لا انا لازم ابينله انى جنبه بالفعل
واشوف ايه سبب التشاؤم دة واحاول معاه انى اعالجه ونخرج انا وهو من جو النكد دة عشان نعرف نعيش

هتعمل ايه لو حبيبك ليل ونهار يقولك بحبك عمال على بطال بس بالكلام انما مفيش افعال ومش بيسال عليك ولا بيهتم بيك وعايش حياته اخر حاجة وفى الاخر يقولك بحبك من غير اثبات يا ترى هتواجهه وتقوله انت مبتحبنيش ولا هتبعد

اكيد لازم اتكلم معاة وفهمة ان الحب مش بالكلام بالافعال ومن تصرفاتو معاك او افعالو بيحسسك بحبوا لاكن مش كلمة نسمعها وخلاص كدة



تعمل اية لو حبيت انسان حب مش عادى بس من غير ما تقولة اى حاجة عن الحب دة وفى الاخر لقيتة بيحب حد تانى ؟

هابعد عنه وابدا انى انساه وافكر فى حب جديد

تعمل ايه لو حبيبك خااااااانك

انا ممكن اتصور اى حاجة الا انوا يخونى لان لو خنى يبقى مش معترنى حبيبتة يبقى اى حاجة تانية


تعمل اية لو اتحطيت فى مقرانة بين حبك وبين مستقبلك؟؟

هختار حبيبى مهما كاااااااااان وانا وهو نشكل مستقبنا على مزاجنا ومهما كانت الظروف مش هختار غيره

ايه رايك فى الحب من اول نظره؟؟

مش دايما بيدوم

هل حبيت بجد ؟ وحبيت كام مرة فى حياتك؟

مش حبيت وكام مرة دى (0) الحمد الله على كدة


لو حبيت وفشلت وحبيت تانى هل بيبقى زى اول حب ام لا؟

بصى هو اول حب ده صعب انه يتكرر تانى بس سعات كتييييييير الواحد بيحب تانى واكتر من الاول بس الصراحه بيفضل فاكر اول حب والى يقول انه ممكن ينسى اول حب ده خالص يبقى كداب بس مجرد ذكره بس الحب بيبقى خلاص راح من جواه وحب تانى



ممكن تضحى ب ايه عشان حبيبك اخر تضحيتك ايه معاه بعد كده تقول مش هاقدر اضحى اكتر من كده

اضحى عشانه بكل حياتى بجد لان انا بحبه حب ميتوصفش
فطبيعي انى اضحى عشانه اكبر تضحيه ممكن تتخيلها وعلى اد ماهقدر

نفس السؤال

اضحى بكل حاجه عشانها الا كرامتى


يعنى ايه حب بالنسبالك

انا مجربتش بس لو حبيت بجد اكيد هيبقى كل حاجة بالنسبالى لان انا لما بحب حد مش بتصور انى ابعد عنة فى اى


لحظة وممكن يحصلى حاجة فهو كل حاجة ليا ..


لو البنت اللى حبتها قبل كدة كانت بتحب قبلك عادى ولا هترفد لانها ممكن مش تحبك زى اوى واحد حبتة ولا دة مش مهم بانسبالك؟؟

لا عادى

ايه الى لايمكن تسامح فيه

الخيااااانه
لاني بحس انها ملهاش اي مبرر ابداا

ايه الحاجات اللي تتمنى انها تكون في حبيبتك\حبيبك؟؟؟

بتمنى انه يفهمنى اكتر من كدة وميتعصبش على كل حاجة

اية الصفة اللى نفسك ان حبيبك او حبيبتك تغيرها؟

انها تفهمنى اكتر من كده


ايه موصفات الى بتحبه او تتمنى انك تحبه