كلنا بنحب وبنتحب
بس حب عن حب يفرق
فى ناس بتحب بقلبها وناس بتحب بعقلها وناس بتعرف ازاى تحب بالاتنين
طب تعمل ايه لو انت بتحب واحد بكل كيانك
هو بالنسبالك الميه والهوا
عايش عشانه وليل ونهار مش بتفكر الا فيه
وخلاص رتبت حياتك على ان الشخص دة هو اللى هتكمل معاه عمرك الجاى كله
وهو ده حب العمر بالنسبالك
لكن للاسف الحد اللى انت بتحبه ده طلع مش بيحبك من الاساس
وكان معيشك فى اكبر وهم عشته فى حياتك
مع انه عارف انت اد ايه بتحبه وعارف انت ازاى ماتعرفش تعيش من غيره
لا وكمان مش مكفيه انه مش بيحبك وبس لا دة كمان عايش معاك عشان يذلك ويهينك وبيظلمك معاه
وعارف انه بيظلمك وانت كمان من جواك حاسس انه مش بيحبك بس بردو مكمل معاه لان فى بعدك عنه موت ودمار بالنسبالك
وعلى راى مصطفى شعبان مفيش حد بينجرح اوى الا اذا كان بيحب اوى
يا جماعه ليه بجد كل اللى بيحب بجد ومن قلبه ديما بيتظلم وبيتهان ومحدش بيقدر حبه فى الزمن دة
الموقف دة انا اتعرضتله بجد وانا عايشه فيه دلوقتى
وكمان اللى مقولتهوش ان الحد دة مش مكفيه بس انه بيظلمنى معاه لا دة كمان بيخون وبيعرف بنات وبيخرج معاهم وحاجات كتير اوى
ولو جيت تواجه حبيبك بكل دة هيقول انت اللى فى القلب فى الاخر بيحبك انت وبيرجعلك انت
بالزمه مش ده قمة الظلم اللى فى الدنيا
يا جماعه انا عاوزة اعرف رايكم بجد وعاوزة اشوف لو انتوا حصلكوا كدة هتعملوا ايه؟؟؟
