انا كنت من الناس الى بتحب التمثليه دى اوى لكن بقالى فتره بفكر اه سر التعلق الغريب بالتمثليه دى وشويه ابطلها وشويه اتفرج عليها
لكن وصلت لقرر وهو انى هبطلها ياترى ليه
بطلتها لانى اكتشفت انى كل يوم ولمدة ساعه
بشوف بنت قمر وولد قمران قادعين فى قصر فى مكان على البحر وبيركبوا عربيات تجنن وعندهم شركه كبيرة
و طول التمثليه مهند ونور بيبحوابعض وهى طبعا عمرها مطبخت ولادخلت مطبخ ولا بتنضف ولابتكوى ولا بتعمل اى حاجه هى فاضيه بس تحب فى مهند ومهند ياحرام حتى وهو فى شغله بيفكر فيها على طول على طول
المشكله بجد اننا لما بنشوف المشاهد دى كتير بتتخزن جونا ان دى الحياة الزوجية الطبيعة يعنى انا لما اتجوز لازم اتجوز واحد زى مهند يعد يحب فيه وانا لو ولد عايز اتجوز بنت زى نور
عارفين ده نتجته اه فى بيوت كتير اتخربت ده تخليوا بيوت مسلمه اسر مسلمه لان الراجل بيص لمراته والست تبص لجوزها يلقوهم مش زى التمثليه ويقارونوا بيهم تخليوا ده بيعمل مشاكل اد اه
الفكره الاكبر ان
القناه بتستغل ان الناس زهقت من الواقع فنديها مسكن رومانسى يغيبها شويه عن مشاكلها مسلسل وبيدوروا الشباب بيحب ايه فضغطوا علي جزء المشاعر بالجاااااااامد كل بنت تتمني ولد يحبها كده وكذلك الولد عايز بنت جميلة ورومانسية وفاهماه
وبالمره نكسب فلوس كتير عازكم تتخليوا المكاسب وكل واحد وزكاءه عارفين يعنى اه انها تعمل قناه بس علشان تعرض المساسل من اول وكمان الحق شوفها على الموبيل علشان لو مش قادر تمسك نفسك لحد بكره تشوفها حالا على الموبيل
فى الاخر عايزه اقول ياترى كل بنت عايزة مهند هل هي نور وكل ولد عايز زوجة زي نور هل هو مهند , عارفين بجد لو انا عايزه انسان يحبنى بجد ويتقى الله وميبصش لحد غيرى اكيد انا لازم اكون كده ولو انا ولد وعايز بنت كده لازم انا الاول اكون كده فى كلمه بتقول ( اذا اردتى على فكونى فاطمه ) يعنى لو انتى عايزه حد يحبك زى حب سيدنا على للسيدة فاطمه رضى الله عنهم
فى النهايه دى كانت وجهة نظرى المتواضعه
